കേരളം
മുൻ മന്ത്രിയും കോൺഗ്രസ് നേതാവുമായ ഡോ. എം.എ. കുട്ടപ്പൻ അന്തരിച്ചു
മുൻ മന്ത്രിയും കോൺഗ്രസ് നേതാവുമായ ഡോ. എം.എ. കുട്ടപ്പൻ അന്തരിച്ചു. 75 വയസായിരുന്നു. കലൂർ പൊറ്റക്കുഴി നിവിയ റോഡിലെ വസതിലായിരുന്നു താമസം. ശാരീരികാസ്വാസ്ഥ്യങ്ങളെ തുടർന്ന് നഗരത്തിലെ സ്വകാര്യ പ്രവേശിപ്പിച്ചെങ്കിലും ഇന്നലെ രാത്രി 12 മണിയോടെ മരിച്ചു. പക്ഷാഘാതത്തെ തുടർന്ന് 10 വർഷമായി പൊതുരംഗത്തില്ലായിരുന്നു.
മൃതദേഹം ഇന്ന് 9 മുതൽ 11 വരെ എറണാകു ളം ഡിസിസി ഓഫിസിൽ പൊതു ദർശനത്തിനു വയ്ക്കും. സംസ്കാരം വൈകിട്ട് 4ന് പച്ചാളം ശ്മശാനത്തിൽ. ഭാര്യ ബീബി (എളമക്കര ഗവ.ഹൈസ്കൂൾ റിട്ട.അധ്യാപിക) മക്കൾ: അജിത് പ്രശാന്ത്, അനന്തു
4 തവണ നിയമസഭാംഗമായിരുന്നു. 2001 മുതൽ 2004 വരെ എ.കെ ആന്റണി മന്ത്രിസഭയിൽ മന്ത്രിയായി. കോട്ടയം മെഡിക്കൽ കോളേജിൽ നിന്നാണ് എം ബി ബി എസ് പാസായത്. വിവിധ നിലകളിൽ സേവനം അനുഷ്ഠിച്ച ശേഷമാണ് രാഷ്ട്രീയത്തിൽ സജീവമായത് 1980ല്‍ വണ്ടൂരില്‍നിന്നാണ് കുട്ടപ്പൻ ആദ്യമായി നിയമസഭയില്‍ എത്തുന്നത്. 1987ല്‍ ചേലക്കരയില്‍ നിന്നും 1996, 2001 വര്‍ഷങ്ങളില്‍ ഞാറക്കലില്‍ നിന്നും വിജയിച്ചു. 2001 മേയ് മുതല്‍ 2004 ഓഗസ്റ്റ് വരെ പിന്നാക്ക – പട്ടികവിഭാഗക്ഷേമ മന്ത്രിയായിരുന്നു.
ഖാദി ആൻഡ് വില്ലേജ് ഇൻഡസ്ട്രീസ് കമീഷൻ അംഗം, ദക്ഷിണ റെയില്‍വേ റിക്രൂട്ട്മെന്റ് ബോര്‍ഡ് അംഗം, കാലിക്കറ്റ് സര്‍വകലാശാല സെനറ്റ് അംഗം, കെ പി സി സി നിര്‍വാഹകസമിതി അംഗം എന്നീ നിലകളിലും പ്രവര്‍ത്തിച്ചിട്ടുണ്ട്. രാഷ്ട്രീയത്തിലെത്തും മുൻപ് ആലപ്പുഴ മെഡിക്കല്‍ കോളജില്‍ ട്യൂട്ടറായും അഞ്ചുവര്‍ഷം ആരോഗ്യ വകുപ്പില്‍ അസി. സര്‍ജനായും നാലുവര്‍ഷം കൊച്ചിൻ പോര്‍ട്ട് ട്രസ്റ്റ് ആശുപത്രിയില്‍ മെഡിക്കല്‍ ഓഫീസറായും സേവനം അനുഷ്ഠിച്ചു.
