കലാം ബാലപ്രതിഭാ പുരസ്കാരങ്ങൾ വിതരണം ചെയ്തു.

ഡോ.എ പി ജെ അബ്ദുൽ കലാമിൻ്റെ തൊണ്ണൂറ്റി ഒന്നാം ജന്മദിനത്തോടനുബന്ധിച്ച് ഡോ.എ പി ജെ അബ്ദുൽകലാം സ്റ്റഡി സെൻ്റർ വിവിധ മേഖലയിൽ മികവു പുലർത്തിയ വിദ്യാർത്ഥികൾക്ക് ഡോ.എ പി ജെ അബ്ദുൽകലാം ബാലപ്രതിഭാ പുരസ്കാരങ്ങൾ നൽകി.ഗ്രാൻ്റ്മാസ്റ്റർ ജി.എസ് പ്രദീപ് പുരസ്കാര സമർപ്പണം നടത്തി.

ഡോ.എ.പി.ജെ അബ്ദുൽ കലാം സ്റ്റഡി സെൻ്റെർ ഡയറക്ടർ പൂവച്ചൽസുധീർ അദ്ധ്യക്ഷത വഹിച്ചു. നിംസ് യൂണിവേഴ്സിറ്റി പ്രൊ. വൈസ് ചാൻസലർ എം.എസ്.ഫൈസൽഖാൻ, എപിജെ അബ്ദുൽ കലാം ശാസ്ത്ര സാങ്കേതിക സർവകലാശാല സിൻഡിക്കേറ്റ് അംഗം അഡ്വ.ഐ.സാജു, വികലാംഗ ക്ഷേമകോർപ്പറേഷൻ ചെയർപേഴ്‌സൺ അഡ്വ.ജയാഡാളി, ജില്ലാ പഞ്ചായത്ത് ക്ഷേമകാര്യ സ്റ്റാൻ്റിംഗ് കമ്മിറ്റി ചെയർമാൻ വിളപ്പിൽ രാധാകൃഷ്ണൻ, നഗരസഭാംഗം അഡ്വ.രാഖി രവികമാർ,ജൂറികമ്മിറ്റി ചെയർപേഴ്സൺ അരൂജ എം.വി, സ്റ്റഡി സെൻ്റെർ പി.ആർ.ഒ അനുജ എസ്, ഭാരവാഹികളായ കുന്നത്തൂർ ജെ പ്രകാശ്, പൂവച്ചൽനാസർ, അഡ്വ.എ.കെ.ആഷിർ, തൊളിക്കോട് റിയാസ്, തുടങ്ങിയവർ സംസാരിച്ചു.