Covid 19
ട്രെയിനിൽ യുവതിയെ അക്രമിച്ച പ്രതി പിടിയിൽ
ഗുരുവായൂര്‍ – പുനലൂര്‍ പാസഞ്ചര്‍ ട്രെയിനില്‍ യുവതിയെ അക്രമിച്ച സംഭവത്തില്‍ പ്രതി ബാബുക്കുട്ടൻ പൊലീസ് പിടിയിൽ. പത്തനംതിട്ട ചിറ്റാർ പൊലീസാണ് പ്രതിയെ അറസ്റ്റ് ചെയ്തത്. മാവേലിക്കര റെയിൽവേ പൊലീസ് പ്രതിയെ ഏറ്റു വാങ്ങി കോട്ടയം റെയിൽവേ പൊലീസിന് കൈമാറും. രഹസ്യവിവരം ലഭിച്ചതിന്റെ അടിസ്ഥാനത്തില്‍ പൊലീസ് നടത്തിയ അന്വേഷണത്തിലാണ് ബാബുക്കുട്ടന്‍ ബന്ധുവിന്റെ വീട്ടില്‍ നിന്ന് അറസ്റ്റിലായത്.
കഴിഞ്ഞ ദിവസമാണ് ബാബുക്കുട്ടന്‍ ബന്ധുവിന്റെ വീട്ടിലെത്തിയത്. ഈ വിവരം പൊലീസിന് ലഭിച്ചിരുന്നു. തുടര്‍ന്ന്് നടത്തിയ അന്വേഷണത്തില്‍ പൊലീസ് ഇക്കാര്യം സ്ഥിരീകരിച്ചു. പൊലീസിനെ കണ്ട് ഓടാന്‍ ശ്രമിക്കുന്നതിനിടെ പിന്തടുര്‍ന്ന് പിടികൂടുകയായിരുന്നു.
ബുധനാഴ്ചയാണ് തീവണ്ടിയില്‍ കവര്‍ച്ചയ്ക്കും ദേഹോപദ്രവത്തിനും യുവതി ഇരയായത്. ഇതില്‍നിന്ന് രക്ഷപ്പെടാന്‍ യുവതിക്ക് തീവണ്ടിയില്‍നിന്ന് പുറത്തേക്ക് ചാടേണ്ടി വന്നു. കാഞ്ഞിരമറ്റത്തിനു സമീപം ഓലിപ്പുറത്തുവെച്ചാണ് സംഭവം.രുന്നു ആക്രമണം.
