പാലാ നഗരസഭയിൽ സിപിഎം – കേരള കോൺഗ്രസ് എം കയ്യാങ്കളി

പാലാ നഗരസഭയിൽ ഭരണ പക്ഷ കൗൺസിലർമാർ തമ്മിൽ കയ്യാങ്കളി. സിപിഎമ്മിന്റെയും കേരളകോൺഗ്രസിന്റെയും നേതാക്കൻമാർ തമ്മിലടിക്കുകയായിരുന്നു. സ്റ്റാന്റിംഗ് കമ്മിറ്റി കൂടുന്നതിലെ തർക്കം ആണ് സംഘർഷത്തിൽ കലാശിച്ചത്. നിരവധി കൗൺസിലർമാർക്ക് സംഘർഷത്തിൽ പരിക്കേറ്റു.

വർഷങ്ങൾക്ക് ശേഷം കേരള കോൺഗ്രസ് എമ്മിന്റെ സഹായത്തോടെ പാലാ നഗരസഭയുടെ ഭരണം ഇടത് പക്ഷം പിടിച്ചെടുത്തതായിരുന്നു. പക്ഷേ ഭരണത്തിലൊന്നിച്ചാണെങ്കിലും പല കാര്യങ്ങളിലും തുടക്കം മുതൽ തന്നെ ഇരു പാർട്ടികളും തമ്മിൽ ഭിന്നതയുണ്ടായിരുന്നു. ഇന്ന് കൗൺസിൽ യോഗം ചേർന്നപ്പോൾ നേരത്തെ സ്റ്റാൻഡിംഗ് കമ്മിറ്റി ചേർന്നതിലെ നിയമ പ്രശ്നം.

സിപിഎമ്മിലെ കൗൺസിലർ ബിനു പുളിക്കകണ്ടം ഉന്നയിച്ചു. പക്ഷേ ഇതിനെ എതിർത്ത് കൊണ്ട് കേരള കോൺഗ്രസിലെ ബൈജു കൊല്ലം പറമ്പിലെത്തുകയും പിന്നീട് ഈ തർക്കം കയ്യാങ്കളിയിലേക്ക് നീങ്ങുകയുമായിരുന്നു. തെരഞ്ഞെടുപ്പിന് ദിവസങ്ങൾ മാത്രം ബാക്കി നിൽക്കുന്ന സമയത്ത് ഇരു പാർട്ടികളും തമ്മിലുള്ള അസ്വാരസ്യം ആശങ്കയോടെയാണ് നേതാക്കൾ നോക്കി കാണുന്നത്.

അതേസമയം പ്രശ്നം പരിഹരിച്ചെന്ന് ബൈജു കൊല്ലം പറമ്പിൽ പ്രതികരിച്ചു. സിപിഎമ്മിന്റെ ബിനു പുളിക്കക്കണ്ടത്താണ് പ്രശ്നമുണ്ടാക്കിയത്. രാഷ്ട്രീയ തർക്കമല്ലെന്നും ബൈജു കൊല്ലം പറമ്പിൽ. ന​ഗരസഭയിലെ ഭരണപക്ഷ കൗൺസിലർമാർ തമ്മിലാണ് ഏറ്റുമുട്ടിയത്. സ്റ്റാന്റിം​ഗ് കമ്മിറ്റി കൂടുന്നതിനെ ചൊല്ലിയുളള തർക്കം കൈയ്യാങ്കളിയിൽ അവസാനിക്കുകയായിരുന്നു. തർക്കത്തിൽ സിപിഎമ്മിന്റെ ബിനു പുളിക്കക്കണ്ടത്തിന് പരിക്കേറ്റിട്ടുണ്ട്. കേരള കോൺ​ഗ്രസ് എമ്മിന്റെ ബൈജു കൊല്ലംപറമ്പിലിനും മർദ്ദനമേറ്റുവെന്നാണ് റിപ്പോർട്ട്.