ആൺകുട്ടികൾ മധുര പാനീയങ്ങള്‍ അമിതമായി കുടിക്കരുത്; കാരണം

കുട്ടിക്കാലത്ത് ഓരോ ദിവസവും 8-ഔൺസ് മധുരമുള്ള പാനീയങ്ങൾ നൽകുന്നത് കൗമാരപ്രായമാകുമ്പോഴേക്കും ഇൻസുലിൻ പ്രതിരോധത്തിൽ 34% വർദ്ധനവുണ്ടാകാമെന്ന് പഠനത്തിൽ കണ്ടെത്തി. പഞ്ചസാര അടങ്ങിയ പാനീയങ്ങളും പഴച്ചാറുകളും രക്തത്തിലെ പഞ്ചസാരയുടെ അളവ് വർദ്ധിക്കുന്നതുമായി ബന്ധപ്പെട്ടിരിക്കുന്നു.

ഈ കണ്ടെത്തലുകൾ പ്രാഥമികമാണെങ്കിലും പഞ്ചസാര ചേർത്ത പാനീയങ്ങളും കുട്ടികളിൽ ടൈപ്പ് 2 പ്രമേഹം വരാനുള്ള ദീർഘകാല സാധ്യതയും തമ്മിലുള്ള ബന്ധത്തെക്കുറിച്ചുള്ള നിലവിലുള്ള തെളിവുകളെ അവ പിന്തുണയ്ക്കുന്നു…- ഹാർവാർഡ് മെഡിക്കൽയിലെ ഡയറ്റീഷ്യനും ഗവേഷകനുമായ സോറൻ ഹാർനോയിസ്-ലെബ്ലാങ്ക് പറഞ്ഞു.

500 മസാച്യുസെറ്റ്സ് കുട്ടികളുടെ ആരോഗ്യം ട്രാക്ക് ചെയ്തു. പഠനത്തിൻ്റെ ഭാഗമായി കുട്ടികളുടെ ഭക്ഷണക്രമം സംബന്ധിച്ച രേഖകൾ പരിശോധിച്ചു.യുഎസിലെ കുട്ടികളിലും കൗമാരക്കാരിലും ഏകദേശം മൂന്നിൽ രണ്ട് ഭാഗവും ദിവസവും ഒരു പഞ്ചസാര പാനീയമെങ്കിലും കഴിക്കുന്നു.  സോഡ,  എനർജി ഡ്രിങ്കുകൾ എന്നിവ അതിൽ ഉൾപ്പെടുന്നതായി അമേരിക്കൻ ഹാർട്ട് അസോസിയേഷൻ വ്യക്തമാക്കുന്നു.

പഞ്ചസാര ചേർത്ത ധാരാളം ഭക്ഷണങ്ങൾ കഴിക്കുന്നത് പൊണ്ണത്തടി, ടൈപ്പ് 2 പ്രമേഹം, ഹൃദ്രോഗം, ഉയർന്ന രക്തസമ്മർദ്ദം, ദന്തക്ഷയം എന്നിവയ്ക്കുള്ള സാധ്യത വർദ്ധിപ്പിക്കുമെന്ന് ഗവേഷകർ പറഞ്ഞു. പുതിയ പഠനത്തിനായി കുട്ടികൾ ശരാശരി എത്ര അളവിൽ പഞ്ചസാര പാനീയങ്ങളും പഴച്ചാറുകളും കഴിക്കുന്നുവെന്ന് ഗവേഷകർ പരിശോധിച്ചു. കൂടുതൽ മധുരമുള്ള പാനീയങ്ങൾ കഴിക്കുന്ന ആൺകുട്ടികൾക്ക് ഇൻസുലിൻ പ്രതിരോധം കൂടുതലാണെന്ന് അവർ കണ്ടെത്തി.

അതായത് പേശികളിലെയും കൊഴുപ്പിലെയും കരളിലെയും കോശങ്ങൾക്ക് രക്തത്തിൽ നിന്ന് പഞ്ചസാര എളുപ്പത്തിൽ എടുക്കാൻ കഴിയില്ല. വലിയ അളവിൽ പഞ്ചസാര അടങ്ങിയ പാനീയങ്ങളും പഴച്ചാറുകളും രക്തത്തിലെ പഞ്ചസാരയുടെ അളവ് വർദ്ധിപ്പിക്കുന്നതായി കാണപ്പെട്ടു.