കോഴിക്കോട് വളയത്ത് ബോംബേറ്; തീവ്രത അളന്നതോയെന്ന് സംശയമെന്ന് പൊലീസ്

കോഴിക്കോട് വളയത്ത് ബോംബേറ്. ആളില്ലാത്ത ഇടവഴിയിലേക്കാണ് ബോംബേറുണ്ടായത്. വളയം ഒപി മുക്കില്‍ ഇന്നലെ രാത്രിയാണ് സ്റ്റീല്‍ ബോംബ് എറിഞ്ഞത്. 

സ്‌ഫോടനം നടന്ന സ്ഥലത്ത് കുഴി രൂപപ്പെട്ടു. വളയം പൊലീസ് സ്ഥലത്തെത്തി പരിശോധന നടത്തി. ബോംബിന്റെ തീവ്രത അളന്നതാണോ എന്ന് സംശയിക്കുന്നതായി പൊലീസ് പറഞ്ഞു. ബോംബ് സ്‌ക്വാഡ് വിദഗ്ധര്‍ ഇന്ന് സ്ഥലത്ത് എത്തും.