കൊല്ലത്ത് ഷോക്കേറ്റ് ദമ്പതികൾ ഉൾപ്പെടെ മൂന്ന് പേർക്ക് ദാരുണാന്ത്യം

പ്രാക്കുളത്ത് ഷോക്കേറ്റ് മൂന്ന് പേർ മരിച്ചു. ദമ്പതികളായ സന്തോഷ് (48) ഭാര്യ റംല (40) അയൽവാസി ശ്യാം കുമാർ (35) എന്നിവരാണ് മരിച്ചത്. രാത്രിയോടെയായിരുന്നു സംഭവം.

ആദ്യം റംലയ്ക്കാണ് ഷോക്കേറ്റത്. വീട്ടിലെ ഇലക്ട്രോണിക് ഉപകരണം നന്നാക്കുന്നതിനിടെയായിരുന്നു ഇത്. റംലയെ രക്ഷിക്കാൻ ശ്രമിക്കുന്നതിനിടെയാണ് സന്തോഷിന് ഷോക്കേറ്റത്. ഇരുവരുടെയും ബഹളം കേട്ടാണ് അയൽവാസിയായ ശ്യാം കുമാർ വീട്ടിലേക്ക് എത്തിയത്. ഇവരെ രക്ഷിക്കുന്നതിനിടെ ശ്യാമിനും ഷോക്കേൽക്കുകയായിരുന്നു.

ഇവരിൽ രണ്ട് പേരുടെ മൃതദേഹം കൊല്ലം ജില്ലാ ആശുപത്രിയിലേക്കും, ഒരാളുടെ മൃതദേഹം കൊല്ലത്തെ സ്വകാര്യ ആശുപത്രിയിലേക്കും മാറ്റി.