കേരളം
ഫാഷന് ഗോള്ഡ് തട്ടിപ്പ്: എം.സി കമറുദ്ദീനെതിരെ രണ്ട് കേസുകള് കൂടി
മഞ്ചേശ്വരം എം.എല്.എ എം.സി കമറുദ്ദീനെതിരെ പയ്യന്നൂര് പോലിസ് സ്റ്റേഷനില് രണ്ട് കേസുകള് കൂടി രജിസ്റ്റര് ചെയ്തു. മാട്ടൂല് സ്വദേശികളായ മൊയ്തു, അബ്ദുള് കരീം എന്നിവരാണ് പരാതി നല്കിയത്.
മൊയ്തുവില് നിന്ന് 17 ലക്ഷം രൂപയും അബ്ദുള് കരീമില് നിന്ന് 30 ലക്ഷം രൂപയും നിക്ഷേപമായി വാങ്ങിയെന്നാണ് കേസ്. ഇതോടെ കമറുദ്ദീനെതിരെ രജിസ്റ്റര് ചെയ്ത കേസുകളുടെ എണ്ണം 89 ആയി.
അതേസമയം, ഫാഷന് ഗോള്ഡ് ജ്വല്ലറി തട്ടിപ്പില് എം.സി കമറുദ്ദീനെതിരായ കേസുകള് റദ്ദാക്കാനാകില്ലെന്ന് സര്ക്കാര് ഇന്നലെ കോടതിയെ അറിയിച്ചിരുന്നു.
കേസുമായി ബന്ധപ്പെട്ട് അടുത്ത ദിവസങ്ങളില് എം.സി കമറുദ്ദീന് എം.എല്.എയെയും ചോദ്യം ചെയ്യും.
ജ്വല്ലറി എം.ഡി ടി.കെ പൂകോയ തങ്ങളെ പ്രത്യേക അന്വേഷണ സംഘം കഴിഞ്ഞദിവസം ചോദ്യം ചെയ്തിരുന്നു.
87 വഞ്ചന കേസുകളില് ജ്വല്ലറി ചെയര്മാനായ എം.സി കമറുദ്ദീന് എം.എല്.എക്കൊപ്പം കൂട്ടുപ്രതിയാണ് എം.ഡി പൂകോയ തങ്ങള്.