കേരളം
ലാവലിന്‍ കേസ് ഇന്ന് സുപ്രീംകോടതിയില്‍
എസ്.എന്‍.സി ലാവലിന്‍ കേസ് സുപ്രീംകോടതി ഇന്ന് പരിഗണിക്കും. ജസ്റ്റിസ് യു.യു ലളിത് അധ്യക്ഷനായ ബെഞ്ചാണ് കേസ് പരിഗണിക്കുക.
അതേസമയം, കേസ് പരിഗണിക്കുന്നത് രണ്ടാഴ്ചത്തേക്ക്മാറ്റിവെക്കണമെന്നാവശ്യപ്പെട്ട് സി.ബി.ഐ വീണ്ടും കോടതിയില്‍ അപേക്ഷ നല്‍കിയിട്ടുണ്ട്.
സി.ബി.ഐ രണ്ടാംതവണയാണ് കേസ് മാറ്റണമെന്ന് ആവശ്യപ്പെടുന്നത്. കോടതിയില്‍ ചില രേഖകള്‍ നല്‍കാന്‍ സമയം വേണമെന്നാണ് സി.ബി.ഐ ആവശ്യപ്പെടുന്നത്.
രണ്ട് കോടതികള്‍ ഒരേ തീരുമാനമെടുത്ത കേസില്‍ ഹര്‍ജിയുമായി വരുമ്പോള്‍ ശക്തമായ വാദങ്ങള്‍ സി.ബി.ഐക്ക് ഉണ്ടാകണമെന്ന് കേസ് പരിഗണിച്ച ആദ്യ ദിവസം ജസ്റ്റിസ് യു.യു ലളിത് പരാമര്‍ശിച്ചിരുന്നു.
സി.ബി.ഐയുടെ വാദങ്ങള്‍ ഒരു കുറിപ്പായി സമര്‍പ്പിക്കാനും കോടതി നിര്‍ദ്ദേശിച്ചിരുന്നു.
ഇതനുസരിച്ചുള്ള കുറിപ്പ് നല്‍കിയെങ്കിലും അതിനൊപ്പം രേഖകള്‍ നല്‍കിയിട്ടില്ല. അതിന് സമയം വേണമെന്നാണ് സി.ബി.ഐ വ്യക്തമാക്കുന്നത്.
