ഹംസഫർ എക്സ്പ്രസിൽ വൻ തീപിടിത്തം

തിരുച്ചിറപ്പള്ളി-ശ്രീ ഗംഗാനഗർ ഹംസഫർ എക്‌സ്പ്രസ് ട്രെയിനിൽ വൻ തീപിടിത്തം. ട്രെയിനിന്റെ ജനറേറ്റർ കോച്ചിലും അതിനോട് ചേർന്നുള്ള പാസഞ്ചർ കാറിലുമാണ് തീപിടിത്തമുണ്ടായത്. ഗുജറാത്തിലെ വൽസാദ് റെയിൽവേ സ്റ്റേഷനിൽ നിന്ന് പുറപ്പെട്ടതിന് തൊട്ടുപിന്നാലെ ആയിരുന്നു അപകടം.

ഉച്ചയ്ക്ക് 2 മണിയോടെയാണ് അപകടമുണ്ടായത്. സൂറത്തിലേക്ക് പുറപ്പെട്ട തിരുച്ചിറപ്പള്ളി-ശ്രീ ഗംഗാനഗർ ഹംസഫർ എക്‌സ്‌പ്രസിൻ്റെ രണ്ട് എസി കോച്ചുകൾക്ക് തീപിടിക്കുകയായിരുന്നു. പവർ കോച്ചിൽ തീ പടർന്ന് തൊട്ടടുത്തുള്ള ബി1 കോച്ചിലേക്ക് പടരുകയായിരുന്നുവെന്നാണ് പൊലീസ് സൂപ്രണ്ട് കരൺരാജ് വഗേല പറയുന്നത്.