കേരളം
സംസ്ഥാനത്ത് നാളെ മുതല്‍ തുടര്‍ചയായി അഞ്ച് ദിവസം ബാങ്കുകള്‍ക്ക് അവധി
ഞായറാഴ്ച അടക്കമുള്ള അഞ്ച് ദിവസമാണ് കേരളത്തില്‍ പൊതു അവധി. ഓഗസ്റ്റ് 20 മുതല്‍ 22 വരെ ഓണം പ്രമാണിച്ചുള്ള അവധിയാണ്. ഓഗസ്റ്റ് 19 വ്യാഴാഴ്ച മുഹറം ആണ്. ഓഗസ്റ്റ് 21 ന് തുടങ്ങുന്ന ഓണക്കാലം 23 ന് നാലാം ഓണത്തോടെ അവസാനിക്കും.
ഓഗസ്റ്റ് 19, 20, 21, 22, 23 തിയതികളില്‍ തുടര്‍ചയായി ബാങ്കുകള്‍ക്ക് അവധിയായിരിക്കും. ഓഗസ്റ്റ് 23 ന് നാലാം ഓണത്തിന്റെ അന്ന് തന്നെയാണ് ഇത്തവണ ശ്രീനാരായണ ഗുരു ജയന്തിയും വരുന്നതിനാല്‍ ബാങ്കുകള്‍ക്ക് അന്നും അവധിയായിരിക്കും.
ആഗസ്റ്റ് മാസത്തിൽ 15 അവധി ദിവസങ്ങളാണ് ബാങ്കിനുള്ളത്. പൊതുമേഖല ബാങ്കുകൾ, സ്വകാര്യ ബാങ്കുകൾ, വിദേശ ബാങ്കുകൾ, കോർപറേറ്റീവ് ബാങ്കുകൾ, പ്രദേശിക ബാങ്കുകൾ ഉൾപ്പെടെ ഈ അഞ്ചുദിവസം പ്രവർത്തിക്കില്ല. ആർ ബി ഐ (Reserve Bank of India) പുറത്തുവിട്ട കലണ്ടർ അനുസരിച്ച് ആഗസ്റ്റ് മാസത്തിൽ ആകെ 15 ദിവസമാണ് ബാങ്കുകൾക്ക് അവധി.
ഇതിൽ 8 ദിവസം RBI കലണ്ടർ പ്രകാരമുള്ള അവധികളും ബാക്കി ദിവസങ്ങൾ വാരാന്ത്യ അവധികളുമാണ്. എന്നിരുന്നാലും വിവിധ സംസ്ഥാനങ്ങളിലെ ബാങ്കിംഗ് പ്രവർത്തനങ്ങൾ പരസ്പരം വ്യത്യാസപ്പെടാം എന്നും അറിയിപ്പിൽ പറയുന്നു
