കേരളം
പിയാജിയോയുടെ ഇലക്ട്രിക് ഓട്ടോറിക്ഷ, ആപേ ഇ -സിറ്റി തിരുവനന്തപുരം വിപണിയിലിറക്കി
പിയാജിയോയുടെ ഇലക്ട്രിക് ഓട്ടോറിക്ഷ, ആപേ ഇ -സിറ്റി തിരുവനന്തപുരം വിപണിയിലിറക്കി.പുകരഹിതവും ഏതാണ്ട് പൂര്‍ണമായും ശബ്ദരഹിതവും കുലുക്കമില്ലാത്തതുമായ ഇ-സിറ്റി വിപണിയിലെത്തിക്കുക വഴി വിപ്ലവാത്മകമായ ഡ്രൈവിങ് അനുഭവമാണ് ഇറ്റലിയിലെ പിയാജിയോ ഗ്രൂപ്പിന്റെ 100 ശതമാനം സബ്‌സിഡിയറിയായപിയാജിയോ വെഹിക്കിള്‍സ് പ്രൈവറ്റ് ലിമിറ്റഡ് ലഭ്യമാക്കുന്നത്.
ആധുനിക ലിഥിയം അയോണ്‍ ബാറ്ററി, ഓട്ടോമാറ്റിക് ഗിയര്‍ ബോക്‌സ്, മികച്ച കരുത്ത്, ,മികച്ച ടോര്‍ക്ക് എന്നിവ ഇ-സിറ്റിയുടെ എടുത്തുപറയത്തക്ക സവിശേഷതകളാണ്.ഗിയറും ക്ലെച്ചും ഇല്ല; സേഫ്റ്റി ഡോര്‍, പൂര്‍ണമായും ഡിജിറ്റലൈസ് ചെയ്യപ്പെട്ട ക്ലസ്റ്റര്‍ എന്നിവയാണ് മറ്റ് പ്രത്യേകതകള്‍.വിപണിയിലിറക്കല്‍ ചടങ്ങില്‍ പിയാജിയോ വെഹിക്കിള്‍സ് പ്രൈവറ് ലിമിറ്റഡിലെ എം.ആര്‍ . നാരായണനും പിയാജിയോയുടെ തിരുവനന്തപുരത്തെ ഡീലര്‍ സ്വാമി റെജിന്‍ കെ. ദാസും സംബന്ധിച്ചു.
തിരുവനന്തപുരം നഗരത്തിലെ ഹ്രസ്വദൂര യാത്രയെ സംബന്ധിച്ചേടത്തോളം വലിയ മാറ്റങ്ങള്‍ക്ക് നാന്ദി കുറിക്കും വിധം അത്യാധുനിക ലിഥിയംഅയോണ്‍ ബാറ്ററികളാണ് ഇ-സിറ്റിയില്‍ ഉപയോഗപ്പെടുത്തിയിട്ടുള്ളത്. മാറ്റിവയ്ക്കാവുന്ന ബാറ്ററിയോടുകൂടിയ പ്രഥമ ത്രിചക്ര വാഹനമാണ് ഇ- സിറ്റി.സാന്‍ മൊബിലിറ്റിയുടെ സഹകരണത്തോടുകൂടിയാണ് മാറ്റിവയ്ക്കാവുന്ന ബാറ്ററി അവതരിപ്പിച്ചത്.
കൂടാതെ ബാറ്ററി ചാര്‍ജ് നില അറിയാനും ബാറ്ററി ചാര്‍ജ് ചെയ്യാനും സഹായകമായ ആപ്പുമുണ്ട്. ബാറ്ററിമാറ്റിവയ്ക്കാന്‍ സൗകര്യമുള്ള സ്‌റേഷനുകളെക്കുറിച്ചുള്ള വിവരങ്ങളും ഇതില്‍ ലഭ്യമാണ്.ബാറ്ററി ചാര്‍ജ് തീരുമ്പോള്‍ പകരം വേറൊന്ന് മാറ്റിവയ്ക്കാവുന്നസാങ്കേതിക വിദ്യയോടുകൂടിയ രാജ്യത്തെ പ്രഥമ ഓട്ടോയാണ് ഇ-സിറ്റി.
