കേരളം
കാലിക്കറ്റ് യൂണിവേഴ്സിറ്റി മാർച്ച് 10 മുതൽ 22 വരെ നടത്തിയ പരീക്ഷകൾ റദ്ദാക്കി; പുതിയ തീയതി പിന്നീട്
കാലിക്കറ്റ് സർവ്വകലാശാല ഒന്ന്, രണ്ട് സെമസ്റ്റർ (ബിടെക്/പാർട്ട്ടൈം ബിടെക്) സപ്ലിമെന്ററി ഏപ്രിൽ 2020 പരീക്ഷയുടെ (2009 സ്കീം, 2012-13 പ്രവേശനം ) മാർച്ച് 10ാം തീയതി മുതൽ 22 വരെ നടത്തിയ താഴെ പറയുന്ന പരീക്ഷകൾ റദ്ദാക്കി.
പത്താം തീയതിയിലെ എഞ്ചിനീയറിങ് മാത്തമാറ്റിക്സ് -2, 15ാം തീയതിയിലെ എഞ്ചിനീയറിങ്ങ് ഫിസിക്സ് , 17ാം തീയതിയിലെ എഞ്ചിനീയറിങ്ങ് കെമിസ്ട്രി, 19ാം തീയതിയിലെ എഞ്ചിനീയറിങ്ങ് മെക്കാനിക്സ്, 22ാം തീയതിയിലെ ബോസിക്സ് ഓഫ് സിവിൽആന്റ് മെക്കാനിക്കൽ എഞ്ചിനീയറിങ്ങും ഹ്യൂമാനിറ്റീസ് കമ്മ്യൂണിക്കേഷൻസ്കിൽസുമാണ് റദ്ദാക്കിയത്. പുതിയ തീയതി പിന്നീട് അറിയിക്കും.
സംസ്ഥാനത്തെ വിവിധ സര്‍വ്വകലാശാല പരീക്ഷകള്‍ ഇന്നലെ മാറ്റിവെച്ചിരുന്നു . പ്രതിദിന കോവിഡ് രോഗികളുടെ എണ്ണം വര്‍ധിക്കുന്ന സാഹചര്യത്തിലാണ് തീരുമാനം. കാലിക്കറ്റ്, എംജി, കണ്ണൂര്‍, ആരോഗ്യ, മലയാള സര്‍വകലാശാലകള്‍ നാളെ മുതല്‍ നടത്താനിരുന്ന എല്ലാ പരീക്ഷകളും മാറ്റിവെച്ചു. പുതുക്കിയ പരീക്ഷാ തിയതി പിന്നീട് അറിയിക്കും.
പരീക്ഷകള്‍ മാറ്റിവെക്കണമെന്ന് എല്ലാ വൈസ് ചാന്‍സലര്‍മാരോടും ഗവര്‍ണര്‍ നിര്‍ദേശിച്ചിരുന്നു. കോവിഡ് വ്യാപനം വര്‍ധിക്കുന്ന സാഹചര്യത്തില്‍ കുട്ടികളുടെ സുരക്ഷ കണക്കിലെടുത്ത് പരീക്ഷകള്‍ മാറ്റിവെക്കുന്നതാണ് ഉചിതമെന്നായിരുന്നു ഗവര്‍ണറുടെ നിര്‍ദ്ദേശം.തുടര്‍ന്നാണ് വിവിധ സര്‍വകലാശാലകള്‍ പരീക്ഷ മാറ്റാന്‍ തീരുമാനിച്ചത്. മറ്റു സര്‍വകലാശാലകള്‍ തീരുമാനം ഇതുവരെ അറിയിച്ചിട്ടില്ല. വൈസ് ചാന്‍സലറുടെ നിര്‍ദേശം വന്നതിനാല്‍ മുഴുവന്‍ സര്‍വകലാശാലകളും പരീക്ഷ മാറ്റിവെച്ചേക്കും.പരീക്ഷകള്‍ മാറ്റണമെന്ന് രക്ഷിതാക്കളും വിദ്യാര്‍ഥികളും നേരത്തെ പലതവണ സര്‍വകലാശാലകള്‍ക്ക് അപേക്ഷ നല്‍കിയിരുന്നു.
