കേരളം
ബിനീഷിന്റെ അറസ്റ്റ് സര്ക്കാരിനെ ബാധിക്കില്ല: കാനം രാജേന്ദ്രന്
ബിനീഷ് സര്ക്കാരിന്റെ ഭാഗമല്ല, സ്വതന്ത്രനായ വ്യക്തിയാണ്. ബിനീഷിന്റെ അറസ്റ്റ് സര്ക്കാരിനെ ഒരുതരത്തിലും ബാധിക്കില്ലെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന്.
ബിനീഷിന്റെ കേസുമായി ബന്ധപ്പെട്ട് പാര്ട്ടി സെക്രട്ടറി കോടിയേരി ബാലകൃഷ്ണന് നേരത്തെ തന്നെ നിലപാട് വ്യക്തമാക്കിയിട്ടുണ്ട്. ബിനീഷ് പാര്ട്ടിയിലുള്ള ആളല്ല. അതുകൊണ്ടുതന്നെ ഇക്കാര്യത്തില് സിപിഎമ്മിനോ സര്ക്കാരിനോ പ്രത്യേകിച്ച് ഒന്നും പറയാനില്ലെന്നും കാനം പ്രതികരിച്ചു.
മയക്കുമരുന്ന് ഇടപാടിലെ സാമ്പത്തിക കേസില് ബിനീഷ് കോടിയേരിയെ കഴിഞ്ഞദിവസമാണ് ഇ.ഡി അറസ്റ്റ് ചെയ്തത്. നാല് ദിവസത്തെ ചോദ്യം ചെയ്യലിനായി ഇ.ഡിയുടെ കസ്റ്റഡിയില് വിട്ടു.
ബിനീഷിനെതിരെ കളളപ്പണം വെളുപ്പിക്കല് നിരോധിത നിയമത്തിലെ വകുപ്പുകള് പ്രകാരമാണ് കേസെടുത്തിരിക്കുന്നത്. മൂന്നുമുതല് ഏഴുവരെ വര്ഷം തടവുലഭിക്കാവുന്നതാണ് കുറ്റകൃത്യം.