ദേശീയം
യാസ് ചുഴലിക്കാറ്റ് മുന്നറിയിപ്പ്; ട്രെയിനുകള്‍ റദ്ദാക്കി
ഈസ്റ്റ് കോസ്റ്റ് റെയില്‍‌വേ മേഖലയില്‍ ‘യാസ്’ ചുഴലിക്കാറ്റ് മുന്നറിയിപ്പ് കണക്കിലെടുത്ത് 10 സ്‌പെഷ്യൽ ട്രെയിനുകള്‍ റദ്ദാക്കി. ഞായറാഴ്ച നാഗര്‍കോവിലില്‍നിന്നും പുറപ്പെടാന്‍ ഷെഡ്യൂള്‍ ചെയ്ത 02659 നാഗര്‍കോവില്‍ ജംഗ്ഷന്‍-ഷാലിമാര്‍ വീക്ക്ലി (ഗുരുദേവ്) സ്‌പെഷ്യൽ, തിങ്കളാഴ്ച ഹൗറയില്‍നിന്നും പുറപ്പെടേണ്ട 02665 ഹൗറ ജംഗ്ഷന്‍-കന്യാകുമാരി വീക്ക്ലി സ്‌പെഷ്യൽ, ചൊവ്വാഴ്ച ഷാലിമാറില്‍നിന്നും പുറപ്പെടേണ്ട 02642 ഷാലിമാര്‍-തിരുവനന്തപുരം സെന്‍ട്രല്‍ സ്‌പെഷ്യൽ,
ചൊവ്വാഴ്ച തിരുവനന്തപുരത്തുനിന്നും പുറപ്പെടേണ്ട 02507 തിരുവനന്തപുരം സെന്‍ട്രല്‍-സില്‍ചാര്‍ വീക്ക്ലി സ്‌പെഷ്യൽ, 26ന് ബുധനാഴ്ച ഷാലിമാറില്‍നിന്നും പുറപ്പെടേണ്ട 02660 ഷാലിമാര്‍-നാഗര്‍കോവില്‍ ജംഗ്ഷന്‍ വീക്ക്ലി (ഗുരുദേവ്) സ്‌പെഷ്യൽ, തിങ്കള്‍, ചൊവ്വ ദിവസങ്ങളില്‍ എറണാകുളത്തുനിന്നും പുറപ്പെടേണ്ട 02643 എറണാകുളം ജംഗ്ഷന്‍-പാട്ന ജംഗ്ഷന്‍ ബൈ-വീക്ക്ലി സ്‌പെഷ്യൽ,
മെയ് 27, 28 തീയതികളില്‍ പാട്നയില്‍നിന്നും പുറപ്പെടേണ്ട 02644 പട്ന ജംഗ്ഷന്‍-എറണാകുളം ജംഗ്ഷന്‍ ബൈ-വീക്ക്ലി സ്‌പെഷ്യൽ, തിങ്കളാഴ്ച പുറപ്പെടേണ്ട 02878 എറണാകുളം ജംഗ്ഷന്‍-ഹൗറ ജംഗ്ഷന്‍ വീക്ക്ലി സ്‌പെഷ്യൽ, 27ന് പുറപ്പെടേണ്ട 02641 തിരുവനന്തപുരം സെന്‍ട്രല്‍-ഷാലിമാര്‍ ബൈ-വീക്ക്ലി സ്‌പെഷ്യൽ, 29ന് പുറപ്പെടേണ്ട 02666 കന്യാകുമാരി-ഹൗറ ജംഗ്ഷന്‍ വീക്ക്ലി സ്‌പെഷ്യൽ എന്നിവയാണ് റദ്ദാക്കിയത്.
