മുല്ലപ്പെരിയാറില്‍ ജലനിരപ്പ് 136 അടിയിൽ; ആദ്യത്തെ മുന്നറിയിപ്പ് നല്‍കി തമിഴ്‌നാട്

മുല്ലപ്പെരിയാർ ജലനിരപ്പ് 136 അടിയിൽ എത്തി. ഇതോടെ തമിഴ്നാട് ആദ്യത്തെ മുന്നറിയിപ്പ് നൽകി. സെക്കന്റിൽ 1544 ഘനയടി വെള്ളമാണ് അണക്കെട്ടിലേക്ക് ഒഴുകി എത്തുന്നത്.

നടപടിക്രമങ്ങളുടെ ഭാഗമായാണ് തമിഴ്നാട് ആദ്യത്തെ മുന്നറിയിപ്പ് നൽകിയത്. 142 അടിയാണ് മുല്ലപ്പെരിയാറിലെ പരമാവധി സംഭരണ ശേഷി.നിലവിൽ 525 ഘനയടി വെള്ളമാണ് തമിഴ്നാട് കൊണ്ടു പോകുന്നത്.

ഓഗസ്റ്റ് മാസം കാലവർഷം ശക്തമായതിനെ തുടർന്ന് ജലനിരപ്പ് ഉയർന്നതോടെ മുല്ലപ്പെരിയാർ ഡാമിൻറെ ഷട്ടറുകൾ തുറന്നിരുന്നു. റൂൾ കർവ് പരിധിയായി നിശ്ചയിച്ചിരിക്കുന്ന 137.50 അടിയിൽ ജലനിരപ്പ് എത്തിയതോടെയാണ് മൂന്ന് ഷട്ടറുകൾ തുറന്നത്.