മുഖ്യമന്ത്രിക്ക് സുരക്ഷ; തളിപ്പറമ്പിൽ നാളെ ​ഗതാ​ഗത നിയന്ത്രണം

മുഖ്യമന്ത്രി പിണറായി വിജയന് സുരക്ഷ ഒരുക്കുന്നതിന്റെ ഭാ​ഗമായി നാളെ കണ്ണൂർ തളിപ്പറമ്പിൽ ​ഗതാ​ഗത നിയന്ത്രണം. കർശന നിയന്ത്രണങ്ങളാണ് ഏർപ്പെടുത്തിയിരിക്കുന്നത്. വാഹനങ്ങൾ വഴിതിരിച്ചു വിടും.

തളിപ്പറമ്പ് മന്ന മുതൽ പൊക്കുണ്ട് വരെയാണ് ​ഗതാ​ഗത നിയന്ത്രണം ഏർപ്പെടുത്തിയത്. രാവിലെ ഒൻപത് മുതൽ ഉച്ചയ്ക്ക് 12 വരെയാണ് നിയന്ത്രണം.

വാഹനങ്ങൾ കൂനം- പൂമം​​ഗലം- കാഞ്ഞിരങ്ങാട്- മന്ന റോഡ് വഴി പോകണം. ആംബുലൻസുകൾക്ക് നിയന്ത്രണം ബാധകമല്ല.