കാറിൽ കുതിച്ച് പാഞ്ഞ് ദമ്പതികൾ, വാഹനങ്ങളെ ഇടിച്ചിട്ടിട്ടും മരണപാച്ചിൽ, ക്രെയിൻ കുറുകെയിട്ട് പിടികൂടി പൊലീസ്!

സ്വര്‍ണാഭരണങ്ങളും പിടിച്ചെടുത്തിട്ടുണ്ട്. ഇന്ന് ഉച്ചയ്ക്ക് ഒന്നരയോടെയായിരുന്നു സംഭവം. അമിത വേഗതയില്‍ ട്രാഫിക് നിയമങ്ങള്‍ അടക്ക് ലംഘിച്ചായിരുന്നു ഇവര്‍ കാറില്‍ പോയിരുന്നത്.നാട്ടുകാര്‍ പലരീതിയില്‍ വാഹനം തടയാൻ ശ്രമിച്ചെങ്കിലും നിര്‍ത്താതെ പോവുകയായിരുന്നു. തുടര്‍ന്നാണ് കാര്‍ വരുന്ന റൂട്ടില്‍ ക്രെയിന്‍ നിര്‍ത്തിയിട്ട് പൊലീസ് ഇരുവരെയും പിടികൂടിയത്. പൊലീസ് വാഹനം തടഞ്ഞശേഷം കാറില്‍നിന്നും ഇറങ്ങാന്‍ ഇരുവരും തയ്യാറായില്ല. പൊലീസുകാരനെ യുവാവ് കയ്യേറ്റം ചെയ്യാന്‍ ശ്രമിച്ചു. തുടര്‍ന്ന ബലം പ്രയോഗിച്ചാണ് യുവാവിനെ കാറില്‍നിന്ന് വലിച്ചിറക്കി പൊലീസ് ജീപ്പിലേക്ക് മാറ്റിയത്.ലഹരി ഉപയോഗിച്ച് അപകടകരമായ രീതിയില്‍ വാഹനമോടിച്ചതിനാണ് നിലവില്‍ ഇരുവര്‍ക്കുമെതിരെ കേസെടുത്തതെന്ന് പൊലീസ് പറഞ്ഞു. കാറിനുള്ളില്‍ വെച്ച് ഇരുവരും തമ്മില്‍ തര്‍ക്കമുണ്ടായിരുന്നുവെന്നും പൊലീസ് പറഞ്ഞു.