മന്ത്രി എം.എം. മണി ആശുപത്രി വിട്ടു

മെഡിക്കല്‍ കോളജ്​ ആശുപ​​ത്രിയില്‍ ചികിത്സയിലായിരുന്ന വൈദ്യുതി മന്ത്രി എം.എം. മണി ആശുപത്രി വിട്ടു. തലച്ചോറിലെ രക്തസ്രാവത്തെ തുടര്‍ന്ന്​ വെള്ളിയാഴ്​ചയാണ്​ ആശുപത്രിയില്‍ പ്രവേശിപ്പിച്ചത്​. ശനിയാഴ്​ച ഇദ്ദേഹത്തെ ശസ്​ത്രക്രിയക്ക്​ വിധേയനാക്കിയിരുന്നു. തുടര്‍ന്ന്​ തീവ്ര പരിചരണ വിഭാഗത്തില്‍ ചികിത്സയിലായിരുന്നു. മന്ത്രിയുടെ ആരോഗ്യനില മെച്ചപ്പെട്ട സാഹചര്യത്തില്‍ ​മെഡിക്കല്‍ ബോര്‍ഡ്​ ചേര്‍ന്ന്​ ഡിസ്​ചാര്‍ജ്​ ചെയ്യാന്‍ തീരുമാനിക്കുകയായിരുന്നു. വൈകി​ട്ടോടെ മന്ത്രി ആശുപത്രി വിട്ടു.