കേരളാ പത്രപ്രവർത്തക അസ്സോസിയേഷൻ കെ.എം.ബഷീർ അനുസ്മരണം നടത്തി

കേരളാ പത്രപ്രവർത്തക അസ്സോസിയേഷൻ കെ.എം.ബഷീർ അനുസ്മരണം നടത്തി. സംസ്ഥാന സെക്രട്ടറി കണ്ണൻ പന്താവൂർ അനുസ്മരണ പ്രഭാഷണം നടത്തി

ഐ.എ.എസ് ഉദ്യോഗസ്ഥനും വനിതാ സുഹൃത്തും സഞ്ചരിച്ചിരുന്ന വാഹനമിടിച്ചു ദുരൂഹ സാഹചര്യത്തിൽ മരണപ്പെട്ട മാധ്യമ പ്രവർത്തകൻ കെ. എം.ബഷീറിന്റെ രണ്ടാം ചരമ വാർഷിക ദിനത്തിൽ കേരള പത്ര പ്രവർത്തക അസ്സോസിയേഷൻ സെക്രട്ടറിയേറ്റിനു മുമ്പിൽ സംഘടിപ്പിച്ച ചടങ്ങ് സംസ്ഥാന പ്രസിഡന്റ് ജി.ശങ്കർ ഉദ്ഘാടനം ചെയ്തു.

പ്രസിഡന്റ് സലീം മൂഴിക്കൽ അധ്യക്ഷത വഹിച്ചു. സംസ്ഥാന സെക്രട്ടറി കണ്ണൻ പന്താവൂർ അനുസ്മരണ പ്രഭാഷണം നടത്തി. ജനറൽ സെക്രട്ടറി മധു കടുത്തുരുത്തി, വൈസ്പ്രസിഡന്റ് ബേബി കെ ഫിലിപ്പോസ്, സീനിയർ സെക്രട്ടറി കെ കെ അബ്ദുള്ള പറവൂർ, ട്രഷറർ ബൈജു പെരുവ, രക്ഷാധികാരി അജിത ജയ്ഷോർ എന്നിവർ സംസാരിച്ചു.

സിറാജ് ദിനപ്പത്രത്തിന്റെ തിരുവനന്തപുരം യൂണിറ്റ് ബ്യുറോ ചീഫായിരുന്ന കെ.എം.ബഷീർ 2020 ആഗസ്റ്റ് :3 – നു പുലർച്ചെ വനിതാ സുഹൃത്തിനോടൊപ്പംശ്രീറാം വെങ്കിട്ടരാമൻ യാത്ര ചെയ്ത വാഹനമിടിച്ചാണ് മരണപ്പെട്ടത്.
ദൃക്സാക്ഷികൾ വെങ്കിട്ടരാമനാണ് വാഹനം ഓടിച്ചിരുന്നത് എന്ന് പറയുമ്പോഴും ആ സമയത്ത് വാഹനം ഓടിച്ചിരുന്നത് ആരാണ് എന്നുപോലും FIR ൽ വ്യക്തത വരുത്തുന്നതിൽ അന്വേഷണ ഏജൻസികൾ പരാജയപ്പെട്ടത് ദുരൂഹമാണെന്നും ചടങ്ങിൽ പങ്കെടുത്ത വർ ആക്ഷേപമുന്നയിച്ചു.