ദേശീയം
രാജ്യത്ത് ഇന്നലെ 38,628 പേർക്ക് കൊവിഡ് സ്ഥിരീകരിച്ചു; 617 മരണം
കഴിഞ്ഞ 24 മണിക്കൂറിനിടെ രാജ്യത്ത് പുതുതായി 38,628 പേര്‍ക്ക് കൂടി കൊവിഡ് സ്ഥിരീകരിച്ചു. 617 പേരാണ് ഇന്നലെ കൊവിഡ് മൂലം മരിച്ചത്. 40,017 പേര് രോഗമുക്തരായതായും കേന്ദ്ര ആരോഗ്യ മന്ത്രാലയം അറിയിച്ചു.
രാജ്യത്ത് ഇതുവരെ 3,18,95,385 പേര്‍ക്കാണ് വൈറസ് ബാധ സ്ഥിരീകരിച്ചത്. ഇതില്‍ 3,10,55,861 പേര് രോഗമുക്തരായി. രോഗം ബാധിച്ച് ഇതുവരെ 4,27,371 പേരുടെ മരണമാണ് സ്ഥിരീകരിച്ചത്. നിലവില്‍ 4,12,1530 സജീവ രോഗികളുണ്ട്. ഇതുവരെ അമ്പത് കോടിയിലധികം പേർക്ക് വാക്സിന്‍ നല്‍കിയതായും ആരോഗ്യ മന്ത്രാലയം അറിയിച്ചു.
അതേ സമയം ലോകത്ത് കഴിഞ്ഞ ഇരുപത്തിനാല് മണിക്കൂറിനിടെ ആറര ലക്ഷത്തിലധികം കേസുകളാണ് റിപ്പോർട്ട് ചെയ്തത്. ആകെ രോഗബാധിതരുടെ എണ്ണം 20,23,52,617 ആയി ഉയർന്നു. ഇന്നലെ മാത്രം പതിനായിരത്തിലധികം മരണങ്ങളാണ് റിപ്പോർട്ട് ചെയ്തത്. ഇതോടെ ആകെ മരണം 42.89 ലക്ഷമായി. നിലവിൽ ഒരു കോടി അറുപത്തിരണ്ട് ലക്ഷം പേരാണ് ചികിത്സയിലുള്ളത്.
ഇന്നലെ ഏറ്റവും കൂടുതൽ പ്രതിദിന കേസുകൾ റിപ്പോർട്ട് ചെയ്തത് അമേരിക്കയിൽ നിന്നാണ്. ഇരുപത്തിനാല് മണിക്കൂറിനിടെ ഒരു ലക്ഷത്തിലധികം പേർക്കാണ് വൈറസ് ബാധ സ്ഥിരീകരിച്ചത്. ആകെ രോഗബാധിതരുടെ എണ്ണം മൂന്ന് കോടി അറുപത്തിനാല് ലക്ഷം പിന്നിട്ടു. 6.32 ലക്ഷം പേർ മരിച്ചു.
