കുമ്പളയിൽ സഹോദരന്മാർ പള്ളിക്കുളത്തിൽ മുങ്ങിമരിച്ചു

കാസർകോട് കുമ്പളയിൽ സഹോദരന്മാർ പള്ളിക്കുളത്തിൽ മുങ്ങിമരിച്ചു. മൊഗ്രാൽ കൊപ്പളം വലിയ ജുമാ മസ്ജിദ് കുളത്തിലാണ് സഹോദരങ്ങൾ കുളിക്കുന്നതിനിടെ മുങ്ങിമരിച്ചത്. മഞ്ചേശ്വരം സ്വദേശി ഖാദർ- മൊഗ്രാൽ സ്വദേശിനി നസീമ ദമ്പതികളുടെ മക്കളായ നവാൽ റഹ്‌മാൻ (21), നാസിൽ (17) എന്നിവരാണ് മരിച്ചത്.

ബലി പെരുന്നാളിനോട് അനുബന്ധിച്ച് മൊഗ്രാലിൽ ബന്ധുവീട്ടിലെത്തിയതായിരുന്നു ഇരുവരും. ഒരാൾ മുങ്ങിയപ്പോൾ മറ്റൊരാൾ രക്ഷിക്കാൻ ശ്രമിച്ചതാകാനാണ് സാധ്യതയെന്ന് നാട്ടുകാർ പറഞ്ഞു.മൃതദേഹങ്ങൾ പോസ്റ്റുമോർട്ടത്തിന് ശേഷം സംസ്കരിച്ചു.