Uncategorized
അധിക ശമ്പളം: കാലിക്കറ്റ് മുന്‍ വിസി 25 ലക്ഷം തിരിച്ചടക്കാന്‍ ഉത്തരവ്
അധികമായി വാങ്ങിയ ശമ്പളത്തുക 25 ലക്ഷം രൂപ കാലിക്കറ്റ് സര്‍വ്വകലാശാല മുന്‍ വിസി ഡോ. എം അബ്ദുല്‍ സലാമില്‍ നിന്ന് ഈടാക്കും. കഴിഞ്ഞ മേയ് 15ന് സര്‍വ്വകലാശാല സിന്‍ഡിക്കേറ്റ് ഇതുസംബന്ധിച്ച്‌ തീരുമാനമെടുത്തിരുന്നു.
അബ്ദുല്‍ സലാമിന്റെ ഹർജിയില്‍ കോടതിവിധിയെ തുടര്‍ന്നാണ് സര്‍വ്വകലാശാല കഴിഞ്ഞദിവസം ശമ്പളത്തുക തിരിച്ചുപിടിക്കാന്‍ ഉത്തരവിറക്കിയത്. കാര്‍ഷിക സര്‍വ്വകലാശാല പ്രഫസറായിരുന്ന സലാം മുഴുവന്‍ പെന്‍ഷനും കാലിക്കറ്റില്‍ വിസി എന്ന നിലയിലുള്ള ശമ്പളവും ഒരുമിച്ച്‌ വാങ്ങിയതായാണ് കണ്ടെത്തിയിരുന്നത്.
മുസ്ലിം ലീഗ് പിന്തുണയോടെ വൈസ് ചാന്‍സലര്‍ സ്ഥാനത്തേക്ക് എത്തിയ അബ്ദുല്‍ സലാം സ്ഥാനമൊഴിഞ്ഞതിന് പിന്നാലെ ബിജെപി അംഗത്വം സ്വീകരിച്ചിരുന്നു. നിയമസഭ തെരഞ്ഞെടുപ്പില്‍ തിരൂര്‍ മണ്ഡലത്തില്‍ നിന്ന് എന്‍ഡിഎ സ്ഥാനാര്‍ത്ഥിയായി മത്സരിക്കുകയും ചെയ്തിരുന്നു.
സിറ്റിസൺ കേരള വാർത്തകളും മറ്റ് അറിവുകളും വാട്സാപ്പിൽ ലഭ്യമാണ്. ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക. Join now!
Advertisement
