ദേശീയം
ബസിന്റെ അടിയിലേക്ക് വീണ് വയോധിക മരിച്ചു; അപകടം റോഡ് മുറിച്ചു കടക്കാന്‍ ശ്രമിക്കുമ്പോള്‍
കര്‍ണാടകയിലെ ബെല്‍ഗാവിയില്‍ സര്‍ക്കാര്‍ ബസിന്റെ ടയറിന്റെ അടിയില്‍പ്പെട്ട് വയോധിക മരിച്ചു. ബെല്‍ഗാവിയിലെ ചെന്നമ്മ സര്‍ക്കിളില്‍ റോഡ് മുറിച്ചു കടക്കാന്‍ ശ്രമിക്കുന്നതിനിടെ വയോധികയെ ബസ് ഇടിച്ച ശേഷം ശരീരത്തിലൂടെ കയറിയിറങ്ങുകയായിരുന്നു. സംഭവസ്ഥലത്ത് വച്ചു തന്നെ വയോധിക മരിച്ചെന്ന് പൊലീസ് അറിയിച്ചു.
സംഭവത്തില്‍ ബസ് ഡ്രൈവറെ കസ്റ്റഡിയിലെടുത്തിട്ടുണ്ടെന്നും കേസ് രജിസ്റ്റര്‍ ചെയ്ത് കൂടുതല്‍ അന്വേഷണം നടത്തിവരികയാണെന്നും പൊലീസ് പറഞ്ഞു. വയോധികയെ ഇതുവരെ തിരിച്ചറിഞ്ഞിട്ടില്ല. ഏകദേശം 60 വയസ് പ്രായമുണ്ടെന്നും ബെല്‍ഗാവി സ്വദേശിയല്ലെന്നാണ് പ്രാഥമിക നിഗമനമെന്നും പൊലീസ് അറിയിച്ചു.
സിറ്റിസൺ കേരള വാർത്തകളും മറ്റ് അറിവുകളും വാട്സാപ്പിൽ ലഭ്യമാണ്. ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക. Join now!
Advertisement
