ദേശീയം
കൊവിഡ് രണ്ടാം തരംഗം; ഉറവിടം മഹാരാഷ്ട്രയിലെ അമരാവതിയിൽ നിന്ന്
കൊവിഡ് രണ്ടാം തരംഗത്തിന്റെ ഉറവിടം മഹാരാഷ്ട്രയിലെ അമരാവതിയിൽ നിന്നെന്ന് കണ്ടെത്തൽ. ഫെബ്രുവരിയിലാണ് ബി.1.617 വകഭേദം കണ്ടെത്തിയത്. ഇന്ത്യൻ വകഭേദമാണ് കണ്ടെത്തിയത്.
അതേസമയം കൊവിഡ് വ്യാപനം നിയന്ത്രണാതീതമായി തുടരുന്ന മഹാരാഷ്ട്രയില്‍ നിയന്ത്രണങ്ങള്‍ കൂടുതല്‍ കടുപ്പിച്ചു. അടിയന്തര സേവനങ്ങള്‍ അല്ലാത്ത ഓഫീസുകളില്‍ 15% ജീവനക്കാരെ മാത്രമേ അനുവദിക്കൂ. പൊതുഗതാഗത സംവിധാനത്തില്‍ സര്‍ക്കാര്‍ ജീവനക്കാരെയും, ആവശ്യ സര്‍വീസുകാരെയും മാത്രം കയറ്റും. വിവാഹ ചടങ്ങുകള്‍ പരമാവധി 25 പേരെ പങ്കെടുപ്പിച്ചു കൊണ്ട് നടത്താം.
പുതുച്ചേരിയില്‍ വെള്ളിയാഴ്ച രാത്രി പത്ത് മണി മുതല്‍ തിങ്കളാഴ്ച രാവിലെ 5 വരെ ലോക്ക് ഡൗണ്‍ പ്രഖ്യാപിച്ചു. ഝാര്‍ഖണ്ഡിലും രാജസ്ഥാനിലും ഇന്ന് മുതല്‍ ലോക്ക് ഡൗണ്‍ നടപ്പാക്കും.
ഗോവയില്‍ രാത്രി പത്ത് മുതല്‍ രാവിലെ ആറ് വരെ രാത്രികാല കര്‍ഫ്യൂ പ്രഖ്യാപിച്ചു. കൊവിഡ് തീവ്ര വ്യാപനമുള്ള ഡല്‍ഹി ഉള്‍പ്പെടെ പല സംസ്ഥാനങ്ങളിലും മരുന്ന്, ഓക്‌സിജന്‍ എന്നിവയുടെ ക്ഷാമം അതീവ രൂക്ഷമാണ്.
