കമ്യൂണിസ്റ്റ് ഭീകര ബന്ധം: ദന്തഡോക്ടറെ കോയമ്പത്തൂരിൽനിന്നും അറസ്റ്റ് ചെയ്തു

കമ്യൂണിസ്റ്റ് ഭീകര ബന്ധം സംശയിക്കുന്ന ദന്തഡോക്ടർ കോയമ്പത്തൂരിൽ അറസ്റ്റിൽ. ഡോ. ദിനേശിനെ തീവ്രവാദ വിരുദ്ധ സ്‌ക്വാഡാണ് അറസ്റ്റ് ചെയ്തത്.

നിലമ്പൂർ വനത്തിൽ 2016ൽ കമ്യൂണിസ്റ്റ് ഭീകരർക്കായുള്ള പരിശീലന ക്യാമ്പ് നടത്തിയ കേസിൽ രക്ഷപെട്ട ഒരാളെന്ന് സംശയിക്കുന്ന ആളാണ് ദിനേശ്.

ദിനേശിന് അറസ്റ്റ് വാറന്റുണ്ടായിരുന്നു. ഇയാളെ മലപ്പുറത്ത് എത്തിച്ച് ചോദ്യം ചെയ്ത് വരികയാണ്. കേസിൽ മലയാളി ഉൾപ്പെടെയുള്ള പ്രതികൾ നേരത്തെ പിടിയിലായിരുന്നു. ദിനേശിനെ വെള്ളിയാഴ്ച കോടതിയിൽ ഹാജരാക്കും.