പാചക വാതക വില കുറച്ചു; വാണിജ്യ സിലിണ്ടറിന് കുറഞ്ഞത് 90 രൂപ

വാണിജ്യാവശ്യങ്ങള്‍ക്കുള്ള പാചക വാതക സിലിണ്ടറിന്റെ വില കുറഞ്ഞു. സാമ്പത്തിക വര്‍ഷാരംഭത്തില്‍ 19 കിലോഗ്രാം തൂക്കം വരുന്ന വാണിജ്യ സിലിണ്ടറിന്റെ വിലയില്‍ 92 രൂപയുടെ കുറവാണ് ഉണ്ടായിട്ടുള്ളത്. ഗാര്‍ഹിക ആവശ്യങ്ങള്‍ക്കുള്ള സിലിണ്ടര്‍ വിലയില്‍ മാറ്റമില്ല.

2034 രൂപയാണ് കൊച്ചിയില്‍ 19 കിലോയുടെ പാചക വാതക സിലിണ്ടറിന്റെ വില. ഡല്‍ഹിയില്‍ 2028 രൂപയാണ് വാണിജ്യ സിലിണ്ടറിന്റെ വില. കൊല്‍ക്കത്ത- 2132, മുംബൈ- 1980, ചെന്നൈ 2192.50 എന്നിങ്ങനെയാണ് രാജ്യത്തെ വിവിധ നഗരങ്ങളിലെ വാണിജ്യസിലിണ്ടറുകളുടെ വില.

വാണിജ്യ സിലിണ്ടറിന് മാര്‍ച്ചില്‍ മാത്രം 350 രൂപയുടെ വര്‍ധനവാണുണ്ടായത്. 14.2 കിലോയുടെ സിലിണ്ടറിന് 50 രൂപയും കൂട്ടിയിരുന്നു. 2022ല്‍ എല്‍പിജി സിലിണ്ടറുകളുടെ വിലയില്‍ നാല് തവണയായിരുന്നു വര്‍ധനവ് വരുത്തിയത്. ഈ വര്‍ഷം ജനുവരിയില്‍ സിലിണ്ടറിന് 25 രൂപ കൂട്ടിയിരുന്നു.