ദേശീയം
ഐസിഎസ്ഇ, ഐഎസ്‌സി പരീക്ഷാഫലം ഫെബ്രുവരി ഏഴിന്
ഐസിഎസ്ഇ പത്ത്, ഐഎസ്‌സി പന്ത്രണ്ട് ക്ലാസുകളിലെ പരീക്ഷാഫലം ഫെബ്രുവരി ഏഴിന് പ്രഖ്യാപിക്കുമെന്ന് ബോര്‍ഡ് ചീഫ് എക്‌സിക്യൂട്ടീവ് ജെറി ആരത്തൂണ്‍ അറിയിച്ചു. ഐസിഎസ്ഇ പത്ത്, ഐഎസ്‌സി പന്ത്രണ്ട് ക്ലാസ്സുകളിലെ ഫസ്റ്റ് സെമസ്റ്റര്‍ പരീക്ഷാ ഫലം അടുത്ത ബുധനാഴ്ച പ്രഖ്യാപിക്കുമെന്ന് അദ്ദേഹം വ്യക്തമാക്കി.
കഴിഞ്ഞ വര്‍ഷം നവംബര്‍ 29 നും ഡിസംബര്‍ 16 നും ഇടയിലായിരുന്നു ഐസിഎസ്ഇ പരീക്ഷ. നവംബര്‍ 22 നും ഡിസംബര്‍ 20 നും ഇടയിലാണ് ഐഎസ്‌സി പരീക്ഷകള്‍ നടന്നത്.
അതേ സമയം സംസ്ഥാനത്ത് ഒന്നു മുതല്‍ ഒമ്പതു വരെ ക്ലാസ്സുകള്‍, ക്രഷുകള്‍, കിന്‍ഡര്‍ ഗാര്‍ട്ടനുകള്‍ തുടങ്ങിയവ ഫെബ്രുവരി 14 മുതല്‍ ആരംഭിക്കാന്‍ മുഖ്യമന്ത്രി പിണറായി വിജയന്‍റെ അധ്യക്ഷതയില്‍ ചേര്‍ന്ന കോവിഡ് അവലോകന യോഗത്തില്‍ തീരുമാനം. പത്ത്, പതിനൊന്ന്, പന്ത്രണ്ട് ക്ലാസ്സുകളും ബിരുദ, ബിരുദാനന്തര ബിരുദ ക്ലാസ്സുകളും ഫെബ്രുവരി ഏഴ് മുതല്‍ ആരംഭിക്കും. പരീക്ഷകള്‍ മുടക്കമില്ലാതെ നടത്തും.
