കേരളം
ആറ്റില്‍ കുളിക്കാന്‍ ഇറങ്ങിയ മൂന്ന് യുവാക്കള്‍ മുങ്ങി മരിച്ചു
ആറ്റില്‍ കുളിക്കാന്‍ ഇറങ്ങിയ മൂന്ന് യുവാക്കള്‍ മുങ്ങി മരിച്ചു. കരുനാഗപ്പള്ളി പന്മന സ്വദേശികളായ കീപ്പള്ളില്‍ രാജേന്ദ്രന്‍പിള്ളയുടെ മകന്‍ ശ്രീജിത്ത്(24), പന്മന തറയില്‍ പുത്തന്‍വീട്ടില്‍ അളിയാരുകുഞ്ഞിന്റെ മകന്‍ അനീഷ്(26), പന്മന മാവേലി പരിയാരത്ത് പുത്തന്‍വീട്ടില്‍ കമറുദ്ദീന്റെ മകന്‍ സജ്ജാദ്(25) എന്നിവരാണ് മരിച്ചത്.
വീയപുരം അമ്പലക്കടവില്‍ ഇന്ന് വൈകിട്ട് മൂന്നുമണിയോടെ ആയിരുന്നു അപകടം. സുഹൃത്തുക്കളായ അഞ്ച് പേരാണ് കടവില്‍ കുളിക്കാനായി എത്തിയത്. ഇതില്‍ ഒരാള്‍ വെള്ളത്തില്‍ മുങ്ങുന്നതുകണ്ട് രക്ഷിക്കാനായി ശ്രമിക്കുന്നതിനിടയിലാണ് മറ്റു രണ്ടു പേര് അപകടത്തില്‍പ്പെട്ടത്.
ഹരിപ്പാട് ഫയര്‍ഫോഴ്‌സും, സിവിൽ ഡിഫെൻസ് ടീമും,വീയപുരം പൊലീസും നാട്ടുകാരും നടത്തിയ തിരച്ചിലില്‍ മൂന്നു പേരുടെയും മൃതദേഹം കണ്ടെത്തി. മൃതദേഹം ഹരിപ്പാട് താലൂക്ക് ആശുപതി മോര്‍ച്ചറിയില്‍.
സിറ്റിസൺ കേരള വാർത്തകളും മറ്റ് അറിവുകളും വാട്സാപ്പിൽ ലഭ്യമാണ്. ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക. Join now!
Advertisement
