ദേശീയം
മലയാളം സംസാരിക്കുന്നതിന് ഏർപ്പെടുത്തിയ വിലക്ക്; ജി ബി പന്ത് ആശുപത്രിയിലെ വിവാദ സർക്കുലർ റദ്ദാക്കി
ഡൽഹി ജിബി പന്ത് ആശുപത്രിയിൽ മലയാളം സംസാരിക്കുന്നതിന് ഏർപ്പെടുത്തിയ വിലക്ക് പിൻവലിച്ചു. ഇത് സംബന്ധിച്ച് പുറത്തിറക്കിയ വിവാദ സർക്കുലർ ആശുപത്രി അധികൃതർ റദ്ദാക്കി. ഉത്തരവ് വിവാദമായതിനെ തുടർന്ന് ആശുപത്രി അധികൃതർക്ക് സർക്കാർ കാരണം കാണിക്കൽ നോട്ടിസ് നൽകിയിരുന്നു.
സർക്കുലറിനെതിരെ പ്രതിഷേധവുമായി ഡൽഹിയിലെ മലയാളി നഴ്സുമാർ രംഗത്തെത്തിയിരുന്നു. ഉത്തരവ് പിൻവലിച്ച് ആശുപത്രി അധികൃതർ മാപ്പ് പറയണമെന്ന് നഴ്സസ് യൂണിയനും ആവശ്യപ്പെട്ടു. വിവിധ രാഷ്ട്രീയ നേതാക്കളും പ്രതിഷേധം അറിയിച്ചിരുന്നു. വിവാദം കനത്തതിനെ തുടർന്നാണ് അധികൃതർ ഉത്തരവ് റദ്ദാക്കിയത്.
ഡല്‍ഹിയിലെ സര്‍ക്കാര്‍ ആശുപത്രിയില്‍ മലയാളം സംസാരിക്കുന്നതിന് വിലക്കിയത്. ജി ബി പന്ത് ആശുപത്രിയാണ് ഉത്തരവിറക്കിയിരിക്കുന്നത്. തൊഴില്‍ സമയത്ത് നഴ്‌സിങ് ജീവനക്കാര്‍ തമ്മില്‍ മലയാളം സംസാരിക്കുന്നത് രോഗികള്‍ക്കും സഹപ്രവര്‍ത്തകര്‍ക്കും ബുദ്ധിമുട്ടുണ്ടാകുന്നതായി പരാതി ലഭിച്ചിട്ടുണ്ടെന്നാണ് വിശദീകരണം.
തൊഴില്‍ സമയത്ത് ജീവനക്കാര്‍ ഹിന്ദി, ഇംഗ്ലീഷ് ഭാഷ മാത്രമേ സംസാരിക്കാവൂ എന്നും മലയാളത്തില്‍ സംസാരിച്ചാല്‍ ശിക്ഷനടപടി നേരിടേണ്ടിവരുമെന്നും സര്‍ക്കുലറില്‍ പറയുന്നത്.
