കേരളം
അതിരപ്പിള്ളിയിലെത്തിയ വിനോദ സഞ്ചാരികൾക്ക് തേനീച്ചയുടെ കുത്തേറ്റു; അഞ്ച് പേർ ആശുപത്രിയിൽ
![honey bee attack 750x422 1](https://citizenkerala.com/wp-content/uploads/2021/02/honey-bee-attack-750x422-1.jpg)
അതിരപ്പിള്ളിയിലെത്തിയ വിനോദ സഞ്ചാരികൾക്ക് തേനീച്ചയുടെ കുത്തേറ്റു. വിവിധ സ്ഥലങ്ങളിൽ നിന്നെത്തിയ അഞ്ച് പേർക്ക് പരിക്കേറ്റു. പരിക്കേറ്റവരെ വെറ്റിലപ്പാറ പ്രാഥമികാരോഗ്യ കേന്ദ്രത്തിലെ പ്രാഥമിക ശുശ്രൂഷകൾക്ക് ശേഷം ചാലക്കുടി താലൂക്കാശുപത്രിയിൽ പ്രവേശിപ്പിച്ചു.
മധുര സ്വദേശികളായ മാടസ്വാമി (35), കാളീശ്വരി (24), വടിവേലു (31), ഹൈദരാബാദ് സ്വദേശി കിരൺ (50), പട്ടാമ്പി സ്വദേശി ചിക്കേപ്പുറത്ത് അനസ് (31) എന്നിവർക്കാണ് പരിക്കേറ്റത്. വെള്ളച്ചാട്ടത്തിന് താഴെക്കിറങ്ങിയവർക്കാണ് തേനീച്ചയുടെ കുത്തേറ്റത്. തേനീച്ചകൾ കൂട്ടത്തോടെ വന്നാക്രമിക്കുകയായിരുന്നുവെന്ന് വിനോദ സഞ്ചാരികൾ പറയുന്നു.
ബുധനാഴ്ച ഒരു മണിയോടെയാണ് സംഭവമുണ്ടായത്. കുത്തേറ്റവർ വെള്ളച്ചാട്ടത്തിന് സമീപത്ത് നിന്ന് റോഡിലേക്കെത്തുവാൻ കുറെ വൈകിയിരുന്നു. തുടർന്നാണ് ഇവരെ വെറ്റിലപ്പാറയിലും പിന്നീട് താലൂക്കാശുപത്രിയിലും പ്രവേശിപ്പിച്ചത്