കേരളം
ഭക്ഷ്യ വിഷബാധ; തിരുപ്പുരിലെ ശിശുഭവനില്‍ മൂന്ന് കുട്ടികള്‍ മരിച്ചു
തിരുപ്പുരിലെ ശിശുഭവനില്‍ ഭക്ഷ്യ വിഷബാധയെത്തുടര്‍ന്ന് മൂന്ന് കുട്ടികള്‍ മരിച്ചു. 11 പേരെ ആരോഗ്യ സ്ഥിതി മോശമായതിനെ തുടർന്ന് ആശുപത്രിയിൽ പ്രവേശിപ്പിച്ചു. മൂന്ന് കുട്ടികളുടെ നില ഗുരുതരമാണ്. ഇവർ തീവ്രപരിചരണ വിഭാഗത്തില്‍ ചികിത്സയിലാണ്.
എട്ടിനും 13നും ഇടയില്‍ പ്രായമുള്ളവരാണ് മരിച്ച മൂന്ന് കുട്ടികളും. ബുധനാഴ്ച രാത്രി കുട്ടികൾ രസം ചോറും ലഡുവുമാണ്‌ കഴിച്ചത്. ഇതിനു പിന്നാലെ ചില കുട്ടികള്‍ ഛര്‍ദ്ദിച്ചു. വ്യാഴാഴ്ച രാവിലെ പ്രഭാത ഭക്ഷണം കഴിച്ചതോടെ ഇവരുടെ ആരോഗ്യനില മോശമായി.
ചില കുട്ടികള്‍ ബോധരഹിതരായി. സംഭവത്തില്‍ അന്വേഷണം പുരോഗമിക്കുകയാണെന്ന് തിരുപ്പുർ ജില്ലാ കലക്ടര്‍ എസ് വിനീത് പറഞ്ഞു. സാംപിള്‍ പരിശോധനയ്ക്ക് അയച്ചിട്ടുണ്ടെന്നും അദ്ദേഹം വ്യക്തമാക്കി.
സിറ്റിസൺ കേരള വാർത്തകളും മറ്റ് അറിവുകളും വാട്സാപ്പിൽ ലഭ്യമാണ്. ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക. Join now!
Advertisement
