കേരളം
ദിവസേന 300 കിലോമീറ്റർ ടാങ്കർ ലോറി ഓടിച്ച് 22കാരി മലയാളി പെൺകുട്ടി
ലോകമെമ്പാടുമുള്ള മലയാളികൾക്കിടയിൽ താരമാവുകയാണ് കേരളത്തിലെ ഒരു സാധാരണ പെൺകുട്ടി. കൊച്ചി റിഫൈനറിയില്‍ നിന്ന് പെട്രോള്‍ നിറച്ച ടാങ്കറുമായി ലോറി ഓടിച്ച് ചാവക്കാട് പെട്രോള്‍ പമ്പിലേയ്ക്ക് പോവുന്ന 22 വയസുകാരി ഡെലീഷ എന്ന പെണ്‍കുട്ടിയാണ് സോഷ്യല്‍മീഡിയയില്‍ ഇപ്പോള്‍ താരം.
കൊച്ചി റിഫൈനറിയില്‍ നിന്ന് പെട്രോള്‍ നിറച്ച ടാങ്കറുമായി ടാങ്കര്‍ ലോറി ഓടിച്ച് ചാവക്കാട് പെട്രോള്‍ പമ്പിലേയ്ക്ക് പോവുന്ന ടാങ്കറിന് വാരാപ്പുഴയില്‍ വച്ച് പോലിസ് കൈകാണിച്ചു. രേഖകളുമായി വാഹനത്തില്‍ നിന്ന് ഇറങ്ങി വന്ന പെണ്‍കുട്ടിയെ കണ്ട് പൊലീസ് ആദ്യം അമ്പരന്നു. രേഖകൾ പരിശോധിച്ച പോലീസിനു പെരുത്ത് സന്തോഷം.
ഇതാണ് ഡെലീഷ എന്ന 22കാരി, ത്യശ്ശൂരാണ് സ്വദേശം. മൂന്ന് പെണ്‍മക്കളുള്ള ഡേവിസിന്റ പിജി വിദ്യാര്‍ത്ഥിനിയായ രണ്ടാമത്തെ മകള്‍. 22-ാം വയസില്‍ 2 വീലര്‍ 4 വീലര്‍ ഹെവി, ഫയര്‍ ആന്റ് സേഫ്റ്റി സര്‍ട്ടിഫിക്കറ്റെല്ലാം സ്വന്തം. ഇപ്പോൾ ദിവസേന 300 കിലോമീറ്ററോളം ടാങ്കർ ലോറി ഓടിക്കും ഈ മിടുക്കി. രാവിലെ 8 മണിക്ക് ആദ്യത്തെ ലോഡുമായി യാത്ര തുടങ്ങും.
.
പത്താം ക്ലാസില്‍ പഠിക്കുമ്പോള്‍ വീട്ടില്‍ കിടന്ന അപ്പന്റ പഴയ അമ്പാസിഡര്‍ ടാക്‌സിയില്‍ കിടന്ന് കൈതെളിഞ്ഞു. അപ്പന് പ്രായമായ തോടെ കൂട്ടായി കിളിയായി പോകാന്‍ തുടങ്ങി അങ്ങനെ കൈതെളിഞ്ഞു. ഇപ്പോൾ ഹെവി ലൈസൻസും ഹസാഡ് ലൈസൻസും ആവശ്യമായതെല്ലാം ഈ മിടുക്കിക്ക് സ്വന്തം.
ഇപ്പോള്‍ കാലി വണ്ടി കൊച്ചിക്ക് അപ്പന് ഓടിക്കും, തിരികെ റിഫൈനറിയില്‍ നിന്ന് നിറ വണ്ടിയുമായി ഡെലീഷ ചാവക്കാട് പൊന്നാനി ഭാഗത്തേയ്ക്ക് ഡെലീഷ വാഹനമോടിക്കും.
സമൂഹമാധ്യമങ്ങളിൽ വൈറൽ ആകുന്ന വീഡിയോകളിലൊന്ന്
പഠിച്ച് നല്ലൊരു ജോലി നേടണം… ചേച്ചിയെ കെട്ടിക്കണം… അനിയത്തിയെ പഠിപ്പിക്കണം… അപ്പനേയും അമ്മയേയും പൊന്നുപോലെ നോക്കണം. സ്വപ്‌നങ്ങൾ അനവധിയാണ് ഡെലീഷയെന്ന ഈ മിടുക്കിക്ക്.
