കേരളം
തൃശൂരില് നാലുദിവസത്തോളം പഴക്കമുള്ള മൃതദേഹം പുഴുവരിച്ച നിലയില് കണ്ടെത്തി
പുഴുവരിച്ച നിലയില് സ്ത്രീയുടെ മൃതദഹം തൃശൂര് മനക്കോടിയിലെ വീട്ടില് കണ്ടെത്തി. മൃതദേഹത്തിന് നാല് ദിവസത്തെയെങ്കിലും പഴക്കമുണ്ടെന്നാണ് സൂചന. അറുപത്തിനാലുകാരിയായ സരോജിനി രാമകൃഷ്ണന് ആണ് മരിച്ചത്.
വീട്ടില് സരോജനിയും ഭര്ത്താവും മാത്രമാണുണ്ടായിരുന്നത്. ഭര്ത്താവിന് മാനസികാസ്വാസ്ഥ്യമുണ്ട്. ജില്ലയ്ക്ക് പുറത്ത് ജോലി ചെയ്യുന്ന മകന് ആഴ്ചയിലൊരിക്കലാണ് വീട്ടിലെത്തിയിരുന്നത്. അതുകൊണ്ട് തന്നെ മരണം നടന്നത് പുറത്തറിഞ്ഞിരുന്നില്ല.
ഇവര് വാടകയ്ക്ക് താമസിച്ചിരുന്നതിനാല് തന്നെ അയല്ക്കാരുമായി അധികം ബന്ധം സൂക്ഷിച്ചിരുന്നില്ല. അതിനാലാണ് മരണം വിവരം പുറത്തറിയാല് വൈകിയത്.
കഴിഞ്ഞ വ്യാഴാഴ്ചയാണ് സരോജിനി മരിച്ചതെന്നാണ് കരുതുന്നത്. മൃതദേഹത്തിന് നാല് ദിവസത്തെ പഴക്കമുണ്ട്. മരണകാരണം എന്താണെന്ന് വ്യക്തമല്ല. അന്തിക്കാട് പൊലീസ് സ്ഥലത്തെത്തി, ഇന്ക്വസ്റ്റ് നടപടികള് പൂര്ത്തിയാക്കി മൃതദേഹം തൃശൂര് മെഡിക്കല് കോളജിലേക്ക് മാറ്റി.