ആരോഗ്യം
ചായ തിളച്ച് പൊന്തി പുറത്ത് പോകാതിരിക്കാന്‍ ചെയ്യേണ്ടത്
പലപ്പോഴും ചായ തയ്യാറാക്കുമ്പോള്‍ പലര്‍ക്കും പറ്റുന്ന അബദ്ധങ്ങളില്‍ ഒന്നാണ് അത് തിളച്ച് പൊന്തി പുറത്ത് പോകുന്നത്. ചായ മാത്രമല്ല, പാല്‍ തിളപ്പിക്കുമ്പോഴും ഇത്തരം പ്രശ്‌നം ഉണ്ടായെന്ന് വരാം. ഇത്തരത്തില്‍ പാല്‍ തിളച്ച് പൊന്തി പോകാതിരിക്കാന്‍ നമ്മള്‍ക്ക് പെട്ടെന്ന് ചെയ്യാവുന്ന ചില കുറുക്കുവഴികള്‍ എന്തെല്ലാമെന്ന് നോക്കാം.
പാല്‍ തിളപ്പിക്കുമ്പോള്‍ അല്ലെങ്കില്‍ പാല്‍ ചായ തയ്യാറാക്കുമ്പോള്‍ നമ്മളില്‍ ചായപ്പൊടി ചേര്‍ക്കുന്നത് പാല്‍ തിളച്ച് പൊന്തി വരുമ്പോഴാണ്. ചിലര്‍ പെട്ടെന്ന് തന്നെ പൊടി ഇട്ട് തീ അണയ്ക്കും. എന്നാല്‍, നമ്മള്‍ ചായ അടുപ്പത്ത് വെച്ച് അടുത്തില്ലെങ്കിലും ചായ തിളച്ച് പൊന്തി പോകാതിരിക്കാന്‍ നിങ്ങള്‍ക്ക് പാത്രത്തിന്റെ കുറുകേ നല്ല മരത്തിന്റെ തവി എടുത്ത് വെക്കാവുന്നതാണ്. പാല്‍ തിളച്ച് പൊന്തി വന്നാലും ഈ തവി ഉള്ളതിനാല്‍ തിളച്ച് പോവുകയില്ല.
ഈ മാര്‍ഗ്ഗം എല്ലാവര്‍ക്കും പ്രയോഗിക്കാം. അതുപോലെ തന്നെ തവിയ്ക്ക് നല്ല നീളം വേണം. ഇല്ലെങ്കില്‍, തിളച്ച് വരുമ്പോള്‍ പാത്രത്തിലേയ്ക്ക് തവി വീഴാന്‍ സാധ്യതയുണ്ട്. അതുപോലെ തന്നെ തവി നല്ലപോലെ കഴുകി വൃത്തിയാക്കിയതിന് ശേഷം വെക്കണം. ചിലര്‍ കറികള്‍ വെക്കുമ്പോള്‍ മരത്തിന്റെ തവി ഉപയോഗിക്കും. ഇത് തവികളില്‍ എണ്ണമയവും മസാലയും പിടിക്കാന്‍ കാരണമാണ്.അതിനാല്‍, എണ്ണമയവും മസാലകളും തവിയില്‍ നിന്നും നീക്കിയതിന് ശേഷം മാത്രം ഉപയോഗിക്കുക.
ഇളക്കി കൊടുക്കാം
പാല്‍ ഇടയ്ക്ക് ചൂടാക്കുമ്പോള്‍ മുതല്‍ ഇളക്കി കൊടുക്കുന്നത് നല്ലതാണ്. അതുപോലെ തന്നെ പാല്‍ തിളച്ച് വരുമ്പോള്‍ അതില്‍ ചായപ്പൊടി ചേര്‍ത്ത് തീ കുറച്ച് വെച്ച് ഇളക്കി കൊടുക്കുകയോ അല്ലെങ്കില്‍ പാത്രം പതുക്കെ എടുത്ത് ഒന്ന് ചുറ്റിച്ച് കൊടുക്കുന്നതും നല്ലതാണ്.
ഇത്തരത്തില്‍ ചെയ്യുന്നത് ചായ തിളച്ച് പൊന്തിപോകാതിരിക്കാന്‍ സഹായിക്കും. അതുപോലെ തന്നെ നല്ലപോലെ ചായ ചിളപ്പിച്ച് കടുപ്പത്തില്‍ എടുക്കാനും ഇത് സഹായിക്കുന്നതാണ്. പലപ്പോഴും ചായ പൊന്തിവരുന്നതിനാല്‍ ചായപ്പൊടി ചേര്‍ത്താല്‍ വേഗത്തില്‍ തന്നെ ഓഫ് ആക്കേണ്ട അവസ്ഥയും അതുപോലെ തന്നെ അമിതമായി കടുപ്പത്തിന് ചായപ്പൊടി ചേര്‍ക്കുന്നതും നമ്മള്‍ക്ക് ഒഴിവാക്കാം.
വെള്ളം തെളിക്കാം
ചായ തിളച്ച് പൊന്തി പോകാതിരിക്കാന്‍ ചെയ്യാവുന്ന മറ്റൊരു കാര്യമാണ് കുറച്ച് വെള്ളം തെളിച്ച് കൊടുക്കുക എന്നത്. പാല്‍ പൊന്തി വരുമ്പോള്‍ കുറച്ച് വെള്ളം തെളിച്ച് കൊടുത്താല്‍ അത് പൊന്തി പുറത്ത് പോകാതിരിക്കും.അതിന് ശേഷം നിങ്ങള്‍ക്ക് ചായപ്പൊടി ചേര്‍ത്ത് നന്നായി തിളപ്പിച്ച് നല്ല ചായ തയ്യാറാക്കി എടുക്കാവുന്നതാണ്.
പാല്‍ എത്രത്തോളം ഉണ്ടോ അതിന്റെ മുകളിലും എന്നാല്‍ പാത്രത്തിന്റെ അറ്റം എത്തുന്നതിന് മുന്‍പും ആയി കുറച്ച് വെണ്ണ തേച്ച് കൊടുക്കുന്നത് പാല്‍ പൊന്തി പുറത്ത് പോകുന്നതും ചായ പുറത്ത് പോകാതിരിക്കാനും സഹായിക്കും.
വെള്ളം ചേര്‍ക്കാം
നമ്മള്‍സാധാരണ പാല്‍ തിളപ്പിക്കുമ്പോള്‍ പാലിന്റെ ഒപ്പം തന്നെ വെള്ളം ചേര്‍ക്കും. എന്നാല്‍ ആദ്യം തന്നെ ആവശ്യത്തിനുള്ള വെള്ളം എടുത്ത് തിളപ്പിക്കുക. അതിന് ശേഷം നിങ്ങള്‍ പാല്‍ ഒഴിച്ച് ചൂടാക്കി നോക്കൂ. പാല്‍ തിളച്ച് പൊന്തിവരില്ല. അതിനാല്‍ ചായ തയ്യാറാക്കുമ്പോള്‍ ഈ വിദ്യ പ്രയോഗിക്കുന്നത് നല്ലതാണ്.
ചായ തയ്യാറാക്കുമ്പോള്‍ ശ്രദ്ധിക്കണ്ട കാര്യങ്ങള്‍
ചായയ്ക്ക് നല്ല രുചി ലഭിക്കാന്‍ പാലും വെളളവും ചേര്‍ത്തെടുക്കേണ്ട ഒരു കൃത്യമായ അനുപാതമുണ്ട്. ഈ കൃത്യമായ രീതിയില്‍ ചെയ്താല്‍ മാത്രമാണ് ചായയ്ക്ക് രുചി ഉണ്ടാവുകയുള്ളൂ. അതുപോലെ തന്നെ ചായ തയ്യാറാക്കാന്‍ പാല്‍ അടുപ്പത്ത് വെക്കുമ്പോള്‍ ഇടയ്ക്ക് ഒന്ന് ഇളക്കി കൊടുക്കുന്നത് നല്ലതാണ്. ഇത് പാല്‍ അടിയില്‍ പിടിക്കുന്നത് ഒഴിവാക്കാനും അതുപോലെ തന്നെ ചായയ്ക്ക് രുചി കൂട്ടാനും സഹായിക്കും.
ചായപ്പൊടി ചേര്‍ത്തതിന് ശേഷം പലരും അമിതമായി തിളപ്പിക്കുന്നത് കാണാം. സത്യത്തില്‍ ചായപ്പൊടി ഇത്തരത്തില്‍ അമിതമായി തിളപ്പിക്കരുത് എന്നാണ് പറയുക. അമിതമായി തിളപ്പിക്കുന്നത് കെമിക്കലുകളായി മാറാനും അതുപോലെ തന്നെ ഇത് പലവിധത്തിലുള്ള ആരോഗ്യ പ്രശ്‌നങ്ങള്‍ ഉണ്ടാകാനും കാരണമാണ്. അതിനാല്‍, പെട്ടെന്ന് തന്നെ ചായപ്പൊടി ഇട്ട് എടുക്കുന്നതാണ് നല്ലത്.
തുപോലെ ശ്രദ്ധിക്കേണ്ട മറ്റൊരു കാര്യമാണ് ചായപ്പൊടി അരിച്ച് കളയാന്‍ മറക്കാതിരിക്കുക എന്നത്. ചിലര്‍ ആവശ്യത്തിന് മാത്രം ചായപ്പൊടി അരിച്ച് എടുക്കും. എന്നാല്‍, ചായയില്‍ കുറേ നേരം ചായപ്പൊടി കിടക്കുന്നത് ചായയുടെ സ്വദ് കുറയ്ക്കും. ചായപ്പൊടിയുടെ കറ ചായയിലേയ്ക്ക് അമിതമായി ഇറങ്ങുന്നതിനും ഇത് കാരണമാണ്. അതിനാല്‍, ചായ വെച്ച് അപ്പോള്‍ തന്നെ അരിച്ച് മാറ്റി വെക്കുക.
അതുപോലെ, ചായ നല്ലപോലെ ആറ്റി കുടിക്കുന്നത് എല്ലാം കൃത്യമായ അളവില്‍ മിക്‌സ് ആയി കിട്ടുന്നതിനും സ്വാദ് വര്‍ദ്ധിക്കുന്നതിനും സഹായിക്കുന്നുണ്ട്. പഞ്ചസ്സാര ചായ തയ്യാറാക്കുമ്പോള്‍ ചേര്‍ക്കാം. ഇല്ലെങ്കില്‍ ചായ ഇട്ടതിന് ശേഷവും ചേര്‍ക്കാം. ചായ അമിതമായി വെള്ളം പോലെ ഇരിക്കുന്നത് സ്വാദ് തരില്ല. ഇത്രയും കാര്യങ്ങള്‍ ശ്രദ്ധിച്ചാല്‍ തന്നെ നല്ല സ്വാദിഷ്ടമായ ചായ തയയാറാക്കാം.
