കേരളം
ഇന്ന് വിഷു…. പുത്തൻ പ്രതീക്ഷകളിലേക്ക് കണികണ്ടുണർന്ന് മലയാളികൾ
വരുന്ന വര്ഷം മുഴുവന് നീണ്ടുനില്ക്കേണ്ട നന്മകളുടെ പ്രതീക്ഷയാണ് മലയാളിക്ക് വിഷു. കണിക്കൊന്നയും കണിവെള്ളരിയും, തെളിഞ്ഞ നിലവിളക്കും ചേരുന്ന സമൃദ്ധിയുടെ മഞ്ഞ നിറം പകര്ന്നാണ് ഓരോ വിഷുക്കാലവും കടന്നു പോകുന്നത്. മലയാള മാസം മേടം ഒന്നിന് മലയാളികള് എവിടെയായാലും വിഷു വളരെ മികച്ച രീതിയില് തന്നെ ആഘോഷിയ്ക്കാറുണ്ട്.
വിഷു വസന്തകാലത്തിന്റെ ആരംഭമായും കേരളത്തിൽ കൊയ്ത്തുത്സവമായും ജ്യോതിഷ പുതുവത്സരമായും വിഷു കണക്കാക്കപ്പെടുന്നുണ്ട്. കൃഷിക്കാർ ഭൂമിയെ ഉഴുതു മറിച്ച് കൃഷിയില് നൂറുമേനി വിളയിക്കാനുള്ള തയ്യാറെടുപ്പ് നടത്തുന്നതും വിഷുക്കാലത്താണ്.
കണിക്കാഴ്ചകളെയൊന്നാകെ ഓട്ടുരുളിയില് നിറയ്ക്കുന്നതോടെ കണിയൊരുക്കമായി. ഓട്ടുരുളിയിലെ ഫലസമൃദ്ധി പോലാകണം വർഷം മുഴുവൻ എന്ന പ്രാർത്ഥന കൂടിയാണ് വിഷു. കണി കണ്ട് കൈനീട്ടം വാങ്ങി മനം നിറഞ്ഞാല് പിന്നെ ആഘോഷങ്ങള്ക്ക് തുടക്കമായി.
വിഷുക്കണി പോലെ തന്നെ പ്രധാനപ്പെട്ടതാണ് വിഷു കൈനീട്ടവും. വിഷു എന്നാൽ തുല്യമായത് എന്നാണർത്ഥം. അതായത് രാത്രിയും പകലും തുല്യമായ ദിവസം. കേരളത്തിൽ വിഷു ആഘോഷിക്കുമ്പോൾ സമാനമായ ആഘോഷങ്ങൾ ഇന്ത്യയിലെ മറ്റ് പല സംസ്ഥാനങ്ങളിലും നടക്കാറുണ്ട്. കൊവിഡ് രണ്ടാം തരംഗത്തിന്റെ ആശങ്കയിലൂടെയും ഭീതിയിലൂടെയും കടന്നുപോകുന്ന സമയത്താണ് ഇത്തവണ വിഷു കടന്നു വരുന്നത്. എങ്കിലും പുത്തൻ പ്രതീക്ഷകളിലാണ് മലയാളികൾ..ദുരിതമകന്ന കാലത്തിനായുള്ള പ്രതീക്ഷകൾ..