കേരളം
തിരുവനന്തപുരം വിമാനത്താവളം സ്വകാര്യവത്ക്കരണം: സര്ക്കാര് ഹര്ജി ഹൈക്കോടതി തള്ളി
തിരുവനന്തപുരം വിമാനത്താവള നടത്തിപ്പ് അദാനി ഗ്രൂപ്പിന് നല്കിയത് ചോദ്യം ചെയ്ത് സര്ക്കാര് നല്കിയ ഹര്ജി ഹൈക്കോടതി തള്ളി. ജസ്റ്റിസ് വിനോദ് ചന്ദ്രന് ജസ്റ്റിസ് സി.എസ് ഡയസ് എന്നിവര് ഉള്പ്പെട്ട ഡിവിഷന് ബെഞ്ചിന്റേതാണ് ഉത്തരവ്.
സംസ്ഥാന സര്ക്കാരിനെ മറികടന്നു അദാനി ഗ്രൂപ്പിന് കരാര് നല്കിയതില് ക്രമക്കേട് ഉണ്ടെന്നായിരുന്നു സര്ക്കാര് വാദം. ലേല നടപടികള് സുതാര്യമല്ലെന്നും സര്ക്കാര് ആരോപിച്ചു. എന്നാല് കേരളത്തിന്റെ ആരോപണങ്ങളില് കഴമ്പില്ലെന്നായിരുന്നു കോടതിയില് കേന്ദ്ര നിലപാട്.
ലേലത്തില് പങ്കെടുക്കാന് പ്രത്യേക ഇളവുകളോടെ കേരളത്തിന് അനുമതി നല്കിയിരുന്നു. എന്നാല് ലേലത്തില് പരാജയപ്പെട്ട ശേഷം ഇത്തരം ഒരു ഹര്ജിയുമായി കോടതിയെ സമീപിക്കാന് കേരളത്തിന് അര്ഹതയില്ല. വിശാലമായ പൊതു താല്പര്യം മുന് നിര്ത്തിയാണ് വിമാനത്താവളങ്ങള് പാട്ടത്തിന് നല്കുന്നതെന്നും കേന്ദ്ര സര്ക്കാര് കോടതിയെ അറിയിച്ചു.