കേരളം
സംസ്ഥാനത്ത് ആറ് ജില്ലകളിൽ താപനില മുന്നറിയിപ്പ്
സംസ്ഥാനത്ത് ആറ് ജില്ലകളിൽ താപനില മുന്നറിയിപ്പ്. താപനില സാധാരണയെക്കാൾ 2 മുതൽ 4 ഡിഗ്രി സെൽഷ്യസ് വരെ ഉയരാം. പാലക്കാട് ഉയർന്ന താപനില 40 ഡിഗ്രി സെൽഷ്യസിന് അടുത്തും കൊല്ലം, കോട്ടയം, തൃശ്ശൂർ ജില്ലകളിൽ ഉയർന്ന താപനില 38 ഡിഗ്രി സെൽഷ്യസിന് അടുത്തും തുടരും. കോഴിക്കോട്, ആലപ്പുഴ ജില്ലകളിൽ ഉയർന്ന താപനില 37 ഡിഗ്രി സെൽഷ്യസിന് അടുത്തായിരിക്കും.
അതേസമയം ചൂട് ക്രമാതീതമായി കൂടുന്നതിനാല് രാജ്യത്തെ വടക്കന്, കിഴക്കന് സംസ്ഥാനങ്ങള്ക്ക് ഉഷ്ണതരംഗ മുന്നറിയിപ്പുമായി കാലാവസ്ഥ നിരീക്ഷണ കേന്ദ്രം. ഒഡീഷ, ഝാര്ഖണ്ഡ്, ബിഹാര്, പശ്ചിമ ബംഗാള്, സിക്കിം എന്നീ സംസ്ഥാനങ്ങളില് വരും ദിവസങ്ങളില് ഉഷ്ണതരംഗത്തിന് സാധ്യതയുണ്ടെന്ന് കാലാവസ്ഥാ കേന്ദ്രം അറിയിച്ചു.
കഴിഞ്ഞ ദിവസം രാജ്യത്തെ വിവിധയിടങ്ങളില് 40 മുതല് 44 ഡിഗ്രി സെല്ഷ്യസ് വരെ താപനിലയാണ് രേഖപ്പെടുത്തിയത്. ഉഷ്ണതരംഗ മുന്നറിയിപ്പിനെ തുടര്ന്ന് പല സംസ്ഥാനങ്ങളിലും സ്കൂളുകളുടെ പ്രവൃത്തി സമയത്തില് മാറ്റം വരുത്തിയിട്ടുണ്ട്. അതേസമയം, വടക്കുപടിഞ്ഞാറന് സംസ്ഥാനങ്ങളില് ഈ ആഴ്ച മഴക്ക് സാധ്യതയുണ്ടെന്നും കാലാവസ്ഥാ കേന്ദ്രം അറിയിച്ചു.