കേരളം
സിലബസ് തയ്യാറാക്കുമ്പോള് വീഴ്ചകള് ഇല്ലാതിരിക്കാന് നടപടി വേണമെന്ന് എഫ്യുടിഎ
കണ്ണൂര് സര്വ്വകലാശാലയുടെ കീഴിലുള്ള ബ്രണ്ണന് കോളേജില് പുതിയതായി ആരംഭിച്ച ഗവേണന്സ് ആന്ഡ് പൊളിറ്റിക്സ് കോഴ്സില് പ്രതിലോമകാരികളായ ഹിന്ദുത്വ ആശയവാദികളുടെ തത്വസംഹിതകളേയും ആശയങ്ങളേയും ഉള്പ്പെടുത്തിയത് അപലപനീയവുമാണെന്ന് ഫെഡറേഷന് ഓഫ് യൂണിവേഴസ്റ്റി ടീച്ചേഴ്സ് അസോസിയേഷന്.
ജനാധിപത്യപരവും മതേതത്വവുമായ ആശയഗതികള്ക്ക് ക്യാമ്പസുകളില് ഭീഷണി നേരിടുന്ന ഈ കാലഘട്ടത്തില് വെറുപ്പിന്റെയും വര്ഗീയതയുടേയും ആശയങ്ങള് സിലബസ്സിന്്റെ രൂപത്തില് കടന്നു വരുന്നതിനെതിരെ അക്കാദമിക സമൂഹം ജാഗരൂഗരായിരിക്കണമെന്ന് അസോസിയേഷന് ജനറല് സെക്രട്ടറി ഡോ.എ.പസ് ലിത്തില് പറഞ്ഞു. സിലബസുകള് സമഗ്രവും ശാസ്ത്രിയവും തുടര് പഠനത്തിനു ഉപകരിക്കുന്നതുമായിരിക്കണം.
രാജ്യത്തെ ക്യാമ്പസുകളില് ഹിന്ദുത്വവല്ക്കരണവും സിലബസില് കാവി വല്ക്കരണവും അജണ്ടയായി കേന്ദ്ര സര്ക്കാര് നടപ്പിലാക്കുന്ന സാഹചര്യത്തില് ഇത്തരത്തിലുള്ള നീക്കങ്ങളെ പുരോഗമനവാദികളായ അധ്യാപകര് ചെറുത്ത് തോല്പിക്കണം. സിലബസ്സ് തയ്യാറാക്കുമ്ബോള് ഇത്തരം വീഴ്ചകള് ആവര്ത്തിക്കാതിരിക്കാന് വേണ്ട നടപടികള് സര്വ്വകലാശാ അധികാരികള് എടുക്കണമെന്നും സംഘടന ആവശ്യപ്പെട്ടു