കേരളം
പ്രധാനധ്യാപകന് സ്ഥാനം തെറ്റി ഒപ്പിട്ടു; 178 വിദ്യാര്ഥികളുടെ എസ്.എസ്.എല്.സി ബുക്ക് അസാധുവായി
എസ്.എ.ബി.ടി.എം തായിനേരി സ്കൂളില് എസ്.എസ്.എല്.സി പരീക്ഷ എഴുതിയ വിദ്യാര്ഥികളുടെ എസ്.എസ്.എല്.സി ബുക്ക് കൈകാര്യം ചെയ്തതില് പ്രധാനാധ്യാപകനെതിരേ പരാതി. സ്കൂളില് പരീക്ഷയെഴുതിയ 357 വിദ്യാര്ഥികളില് 178 വിദ്യാര്ഥികളുടെ എസ്.എസ്.എല്.സി ബുക്കാണ് പ്രധാനാധ്യാപകന് സ്ഥാനം തെറ്റി ഒപ്പിട്ട് അസാധുവാക്കിയത്.
ഇതുവരെയായിട്ടും വിദ്യാര്ഥികള്ക്ക് സര്ട്ടിഫിക്കറ്റ് ലഭിക്കാത്ത സ്ഥിതിയുണ്ടായിരുന്നു. ഉപയോഗ്യ ശൂന്യമാക്കിയതാണ് ഇതു വൈകാന് കാരണമെന്ന് ആരോപണമുയര്ന്നിരുന്നു. എസ്.എസ്.എല്.സി ബുക്കുകള് ഇയാള് വീട്ടില് കൊണ്ടുപോയാണ് ഒപ്പിട്ടതെന്നും പരീക്ഷ സെക്രട്ടറിയുടെ ഒപ്പിനു മുകളില് ഹെഡ്മാസ്റ്റര് ഒപ്പ് രേഖപ്പെടുത്തുകയും ചെയ്തെന്നാണ് പരാതി.
കൊറോണക്കാലമായതിനാല് മാര്ക്ക് ലിസ്റ്റിന്റെ കോപ്പി മാത്രം ഉപരിപഠനത്തിന് അയച്ചാല് മതിയായിരുന്നു. അതില് ഒര്ജിനല് സര്ട്ടിഫിക്കറ്റ് ആരും വാങ്ങിയിരുന്നില്ല. എന്നാല് കുറച്ചു പേര്ക്ക് മാത്രം എസ്.എസ്.എല്.സി ബുക്ക് ലഭിച്ചത് ചില രക്ഷിതാക്കള് ചോദ്യം ചെയ്തിരുന്നു. അപ്പോഴാണ് സംഭവം പുറത്തറിയുന്നത്. കെ.എസ്.യു പയ്യന്നൂര് നിയോജകമണ്ഡലം പ്രസിഡന്റ് ആകാശ് ഭാസ്കരന്റെ നേതൃത്വത്തില് വിദ്യാഭ്യാസ വകുപ്പിന് പരാതി നല്കിയിട്ടുണ്ട്.