ശബരിമല ഓണ്‍ലൈന്‍ ബുക്കിങ് ഇന്നു മുതല്‍

കര്‍ക്കിടക മാസ പൂജക്കായി നടതുറക്കുന്ന ശബരിമലയില്‍ ദര്‍ശനത്തിനായുള്ള ഓണ്‍ലൈന്‍ ബുക്കിങ് സൈറ്റ് ഇന്ന്​ വൈകുന്നേരം അഞ്ചുമുതല്‍ ഓപ്പണ്‍ ആകും. Sabarimala online.com എന്ന സൈറ്റാണ്​ ഓപ്പണ്‍ ആകുന്നത്​. പ്രതിദിനം 5000 പേര്‍ക്കാണ്​ ദര്‍ശനം അനുവദിക്കുക.

രണ്ട്​ ഡോസ്​ വാക്​സിന്‍ എടുത്ത സര്‍ട്ടിഫിക്കറ്റുള്ളവര്‍ക്കും 24 മണിക്കൂറിനകം എടുത്ത ആര്‍.ടി.പി.സി ആര്‍ ടെസ്​റ്റ്​ നെഗറ്റീവ്​ സര്‍ട്ടിഫിക്കറ്റുള്ളവര്‍ക്കും പ്രവേശനം അനുവദിക്കും.വെള്ളിയാഴ്​ച വൈകിട്ട്​ അഞ്ചിനാണ്​ നട തുറക്കുക.

ശനിയാഴ്​ച പുലര്‍ച്ചെ മുതലാണ്​ ഭക്​തര്‍ക്ക്​ ദര്‍ശനം അനുവദിക്കുക. 17 മുതൽ പ്രതിദിനം 5000 പേർക്ക് ദർശനത്തിന് അനുമതി നൽകും. വെർച്വൽ ക്യൂ ബുക്കിംഗ് സംവിധാനത്തിലൂടെയായിരിക്കും പ്രവേശനം.

48 മണിക്കൂറിനുള്ളിൽ എടുത്ത കൊവിഡ് ആർ.ടി.പി.സി.ആർ പരിശോധനാ നെഗറ്റീവ് സർട്ടിഫിക്കറ്റോ 2 ഡോസ് പ്രതിരോധ വാക്സിൻ സർട്ടിഫിക്കറ്റോ ഉള്ളവർക്കു മാത്രമായിരിക്കും അനുമതി. 21നു രാത്രി നടയടയ്ക്കുമെന്നും തിരുവിതാംകൂർ ദേവസ്വം ബോർഡ് അറിയിച്ചു.