കേരളം
വീണ്ടും വൈറലായി പ്രിയങ്കയുടെ ആ പഴയ വിഡിയോ
ന്യൂസീലൻഡ് പ്രധാനമന്ത്രി ജസീന്ത ആർഡേണിനൊപ്പം മലയാളത്തിൽ ഓണം ആശംസിച്ചുള്ള പ്രിയങ്കാ രാധാകൃഷ്ണന്റെ വിഡിയോ വീണ്ടും വൈറലാകുന്നു. രണ്ട് വർഷം മുൻപ് ജസീന്ത ആർഡേൺ ഓണാശംസകൾ നേർന്ന് പങ്കുവച്ച വിഡിയോയാണ് വൈറലാകുന്നത്. അന്ന് പ്രിയങ്ക തന്റെ ഫേസ്ബുക്ക് പേജിൽ വിഡിയോ പങ്കുവച്ചിരുന്നു.
From myself and Prime Minister Jacinda Ardern – Happy Onam!
Posted by Priyanca Radhakrishnan MP on Monday, September 9, 2019
Read also: ന്യൂസിലാന്‍ഡ് സര്‍ക്കാരിലെ ആദ്യ ഇന്ത്യന്‍ മന്ത്രിയായി മലയാളിയായ പ്രിയങ്ക രാധാകൃഷ്ണന്‍.
ന്യൂസീലൻഡ് മന്ത്രിസഭയിൽ ഇടം നേടുന്ന ആദ്യ വനിതയാണ് എറണാകുളം പറവൂർ സ്വദേശിനിയായ പ്രിയങ്കാ രാധാകൃഷ്ണൻ. മൂന്ന് വകുപ്പുകളുടെ ചുമതലയാണ് പ്രിയങ്കയ്ക്ക് നൽകിയിരിക്കുന്നത്. സാമൂഹിക, യുവജനക്ഷേമം, സന്നദ്ധ മേഖല എന്നീ വകുപ്പുകളാണ് പ്രിയങ്കയ്ക്ക് ലഭിച്ചത്. ഇത് രണ്ടാം തവണയാണ് പ്രിയങ്കാ രാധാകൃഷ്ണൻ പാർലമെന്റിൽ ഇടം നേടുന്നത്.
എറണാകുളം പറവൂര്‍ സ്വദേശിയാണ് പ്രിയങ്ക രാധാകൃഷ്ണന്‍. എറണാകുളം ജില്ലയിലെ പറവൂര്‍ മാടവനപ്പറമ്പ് രാമന്‍ രാധാകൃഷ്ണന്‍ – ഉഷ ദമ്പതികളുടെ മകളായ പ്രിയങ്ക 14 വര്‍ഷമായി ലേബര്‍ പാര്‍ട്ടി പ്രവര്‍ത്തകയാണ്. ക്രൈസ്റ്റ് ചര്‍ച്ച് സ്വദേശിയും ഐടി ജീവനക്കാരനുമായ റിച്ചാര്‍ഡ്‌സണാണു ഭര്‍ത്താവ്.
