കൊവിഡിനെതിരായ അത്ഭുത മരുന്ന്; ഡെക്‌സാമെത്തസോൺ ഫലപ്രദമെന്ന് കണ്ടെത്തൽ

കൊവിഡിനെതിരായി ഡെക്‌സാമെത്തസോൺ ഫലപ്രദമെന്ന് കണ്ടെത്തൽ. യുകെയാണ് മരുന്ന് കണ്ടെത്തിയിരിക്കുന്നത്. മഹാമാരി പർന്ന് പിടിച്ചപ്പോൾ മുതൽ ഡെക്‌സാമെത്തസോൺ രോഗികളിൽ ഉപയോഗിച്ചിരുന്നുവെങ്കിൽ 5000 ത്തോളം ജീവനുകൾ രക്ഷിക്കാമായിരുന്നുവെന്ന് ഗവേഷകർ പറയുന്നു.

നിലവിൽ 200,000 കോഴ്‌സ് മരുന്ന് യുകെ സർക്കാരിന്റെ പക്കലുണ്ട്. ഇനിമുതൽ രോഗികൾക്ക് ഡെക്‌സാമെത്തസോൺ ലഭ്യമാക്കുമെന്ന് സർക്കാർ പറയുന്നു. ലോകമെമ്പാടുമുള്ള കൊവഡ് രോഗികളുടെ ചികിത്സയ്ക്ക് മരുന്ന് ഉപയോഗിക്കാൻ സാധിക്കുമെന്ന് ഇംഗ്ലണ്ടിലെ ചീഫ് മെഡിക്കൽ ഓഫിസർ പ്രൊഫ.ക്രിസ് വിറ്റി പറയുന്നു.