കേരളം
കൊവിഡ് വ്യാപനം; ഡല്ഹിയില് ലോക്ക് ഡൗണ് മെയ് 17 വരെ നീട്ടി
ഡല്ഹിയില് ലോക്ക് ഡൗണ് മെയ് 17 വരെ നീട്ടിയതായി മുഖ്യമന്ത്രി അരവിന്ദ് കെജ്രിവാള് പ്രഖ്യാപിച്ചു. ഡല്ഹി മെട്രോ സര്വീസുകളും തിങ്കളാഴ്ച മുതല് സര്വീസ് നിര്ത്തിവയ്ക്കും.
ലോക്ക്ഡൗണ് കാലയളവില് മെട്രോ ട്രെയിനുകള് സര്വീസ് നടത്തില്ല. കഴിഞ്ഞ മൂന്ന് ദിവസങ്ങളായി ടെസ്റ്റ് പോസിറ്റിവിറ്റി നിരക്കില് കുറവുണ്ടായെന്നു മുഖ്യമന്ത്രി പറഞ്ഞു. 35 ശതമാനമെന്നത് 23 ശതമാനമായി കുറഞ്ഞെന്നും മുഖ്യമന്ത്രി കൂട്ടിച്ചേര്ത്തു.
കോവിഡ് വ്യാപനത്തിന്റെ പശ്ചാത്തലത്തില് ഉത്തര്പ്രദേശ് സര്ക്കാര് ലോക്ക്ഡൗണ് നീട്ടി. മെയ് 17 വരെയാണ് നിയന്ത്രണം നീട്ടിയത്. നേരത്തെ മെയ് 10 വരെയാണ് ലോക്ക്ഡൗണ് ഏര്പ്പടുത്തിയിരുന്നത്.
ഉത്തര്പ്രദേശില് ഇന്നലെ 26,847 പേര്ക്കാണ് കോവിഡ് സ്ഥിരീകരിച്ചത്. 298 പേര് മരിച്ചു. 34,721 പേര് രോഗമുക്തരായി. നിലവില് 2,45,736 പേരാണ് ചികിത്സയിലുള്ളത്.