ഈറ്റ് റൈറ്റ് മികവിൽ കേരളം

കേരളത്തിലെ 21 റെയിൽവേ സ്റ്റേഷനുകൾക്ക് FSSAIയുടെ Eat Right സ്റ്റേഷൻ അംഗീകാരം ലഭിച്ചു. യാത്രക്കാർക്ക് സുരക്ഷിത ഭക്ഷണം ഉറപ്പാക്കുന്നതിനായി FSSAIയുടെ നേതൃത്വത്തിലുള്ള EAT RIGHT INDIA MOVEMENT കീഴിലുള്ള സംരംഭങ്ങളിലൊന്നായ EAT RIGHT RAILWAY STATION പദ്ധതിയിലാണ് കേരളത്തിലെ 21 സ്റ്റേഷനുകൾക്ക് സർട്ടിഫിക്കറ്റ് ലഭിച്ചത്.

ഭക്ഷ്യസുരക്ഷാ വകുപ്പും റെയിൽവേയും സംയുക്തമായി പരിശോധനയും ഓഡിറ്റിങ്ങും നടത്തിയാണ് ഈ നേട്ടം കൈവരിച്ചത്. പരപ്പനങ്ങാടി, ചാലക്കുടി തലശ്ശേരി, കണ്ണൂർ, പാലക്കാട് ജങ്ഷൻ, ചെങ്ങന്നൂർ, ഷൊർണൂർ ജങ്ഷൻ, തിരൂർ, വടകര, ചങ്ങനാശ്ശേരി, ആലപ്പുഴ വർക്കല, കരുനാഗപ്പള്ളി, അങ്കമാലി, ആലുവ, തിരുവല്ല, കോട്ടയം. കോഴിക്കോട്, തൃശ്ശൂർ, തിരുവനന്തപുരം, കൊല്ലം എന്നീ സ്റ്റേഷനുകൾക്കാണ് അംഗീകാരം.

റെയിൽവേ സ്റ്റേഷൻ പ്ലാറ്റ്ഫോമിലെ റീട്ടെയിൽ ഔട്ട്ലറ്റ്ലെറ്റ് (സ്റ്റാറ്റിക്), റീട്ടെയിൽ കം കാറ്ററിംഗ് സ്ഥാപനം (സ്റ്റാറ്റിക്), ഫുഡ് പ്ലാസ/ ഫുഡ് കോർട്ടുകൾ/ റെസ്റ്റോറന്റുകൾ (സ്റ്റാറ്റിക്), പെറ്റി ഫുഡ് വെണ്ടർമാർ/ സ്റ്റാളുകൾ/ കിയോസ്‌കുകൾ (സ്റ്റാറ്റിക്/ മൊബൈൽ),കൂടാതെ സ്റ്റേഷൻ യാർഡിലെ വെയർഹൗസ്, base kitchen തുടങ്ങിയവ എല്ലാം ഈ പദ്ധതിയുടെ കീഴിൽ വരുന്നവയാണ്. ഇവിടങ്ങളിൽ എല്ലാം ഭക്ഷ്യ സുരക്ഷാ ശുചിത്വ മാനദണ്ഡങ്ങൾ പാലിച്ച് കൊണ്ടാണ് ഭക്ഷണം പാകം ചെയ്യുന്നതെന്നും യാത്രക്കാർക്ക് ഭക്ഷണം നൽകുമ്പോഴും സുരക്ഷ മാനദണ്ഡം പാലിക്കുന്നുണ്ടെന്നും FSSAI എംപാനൽ ചെയ്ത Audit agency ശേഷമാണ് സർട്ടിഫിക്കറ്റ് നൽകുന്നത്.

ഈ പദ്ധതി പ്രകാരം certify ചെയ്യണമെങ്കിൽ സ്റ്റേഷൻ കോംപ്ലെക്സിലെ മുഴുവൻ ഭക്ഷ്യ സംരംഭകരും FSSAI രജിസ്ട്രേഷൻ/ലൈസൻസ് നിർബന്ധമായും കരസ്ഥമാക്കിയിട്ടുണ്ടാവണം. കൂടാതെ സ്റ്റേഷനിലെ സ്ഥാപനങ്ങളിൽ ഭക്ഷണം കൈകാര്യം ചെയ്യുന്നവർ fostac പരിശീലനം ലഭിച്ച സർട്ടിഫിക്കറ്റ് നേടിയിട്ടുണ്ടാവണം.