കേരളം
കണ്ണൂര് ആസ്റ്റര് മിംസ് വ്യാജ പ്രചരണം; ഒരാള് അറസ്റ്റില്
കണ്ണൂര് ആസ്റ്റര് മിംസ് ആശുപത്രിക്കെതിരെ വ്യാജ പ്രചരണം നടത്തിയ സംഭവത്തില് ഒരാള് അറസ്റ്റില്. വാരം വലിയന്നൂര് സ്വദേശി മുനീര് അമീറിനെയാണ് എടക്കാട് പോലിസ് അറസ്റ്റ് ചെയ്തത്.
കോവിഡ് 19 രോഗ നിര്ണയം തുടങ്ങിയ കാലം മുതല് കേരളത്തില് കോവിഡ് 19 പോസിറ്റീവ് ആയ രോഗികളെ സ്വീകരിക്കാനും ശുശ്രൂഷിക്കാനും തയ്യാറായിട്ടുള്ള ആശുപത്രികള് പ്രഥമസ്ഥാനം ആസ്റ്റര് മിംസ് കണ്ണൂരിനാണെന്ന് സര്ക്കാര് തന്നെ വെളിപ്പെടുത്തിയിട്ടുള്ളതാണ്.
രോഗികളുടെ ശൂശ്രൂഷയുമായി ബന്ധപ്പെട്ട് അന്യായവും വാസ്ഥവ വിരുദ്ധവുമായ നിരവധി കുപ്രചരണങ്ങള് ഫേസ്ബുക്കില് പ്രചരിപ്പിച്ച മുനീര് അമീറിനെയാണ് പോലീസ് അറസ്റ്റ് ചെയ്തത്.
മരണം സംഭവിക്കുന്ന രോഗികളില് കോവിഡ് 19 പോസറ്റീവാക്കി റിസള്ട്ട് നല്കുകയും ആന്തരിക അവയവങ്ങള് എടുത്തുമാറ്റുകയും ചെയ്യുന്ന തരത്തില് വ്യാജ പ്രചരണം നടത്തി ജനങ്ങളില് ആശങ്കയും ഭീതിയും ഉണ്ടാക്കിയതിനെതിരെ മാനേജ്മെന്റ് നല്കിയ പരാതിയിലാണ് ഇദ്ദേഹത്തെ അറസ്റ്റ് ചെയ്തത്.
കൂടാതെ ഇത്തരം അപവാദ പ്രചരണം നടത്തിയ ഏതാനും വ്യക്തികള്ക്കെതിരെയും മാനേജ്മെന്റിന്റെ പരാതിയില് സൈബര്സെല്ലിന്റെ സഹായത്തോടെ അന്വേഷണം നടക്കുന്നതായി പോലിസ് അറിയിച്ചു.