കേരളം
ജെഇഇ മെയിന്‍ മൂന്നാം ഘട്ട പരീക്ഷ; ഏപ്രില്‍ നാല് വരെ അപേക്ഷിക്കാം
ഏപ്രിൽ 27-30 വരെ നടത്തുന്ന ജെഇഇ മെയിൻ 2021 (ബിഇ/ബിടെക് പേപ്പർ I) പരീക്ഷക്കുള്ള അപേക്ഷ ഓൺലൈനായി ഏപ്രിൽ നാലുവരെ സമർപ്പിക്കാൻ അവസരം. നാഷണൽ ടെസ്റ്റിങ് ഏജൻസി മൂന്നാംഘട്ടം പരീക്ഷയുടെ ഫീസ് അടക്കുന്നതിന് ഏപ്രിൽ അഞ്ചുവരെ സമയമുണ്ട്.
www.nta.ac.in, www.jeemain.nta.nic.in എന്നീ വെബ്സൈറ്റുകളിൽ വിവരങ്ങൾ ലഭ്യമാണ്. മേയ് 24-28 വരെയുള്ള തീയതികളിലാണ് നാലാംഘട്ടം ജെഇഇ മെയിൻ പരീക്ഷ. ബി.ഇ/ബി.ടെക്, ബി.ആർക്, ബി.പ്ലാനിങ് കോഴ്സുകളിൽ പ്രവേശനത്തിനായുള്ള പേപ്പർ ഒന്നും രണ്ടും ഈ ഘട്ടത്തിലുണ്ടാവും.
ഏപ്രിൽ/മേയ് സെക്ഷനിലെ പരീക്ഷകൾക്കായി നേരത്തെ അപേക്ഷിച്ചിട്ടുള്ളവർക്ക് മാറ്റങ്ങൾ വരുത്തി പരിഷ്കരിക്കുന്നതിന് ഏപ്രിൽ 4 നാലുവരെ സൗകര്യം ലഭിക്കും. വിവരങ്ങൾ www.nta.ac.in ൽ ലഭ്യമാകും.
ഏറ്റവും പുതിയ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാകാം
