ദേശീയം
രാജ്യത്ത് 24 മണിക്കൂറിനിടെ 67,208 പേർക്ക് കൊവിഡ്; 2,330 മരണം
രാജ്യത്ത് 24 മണിക്കൂറിനിടെ 67,208 പേര്‍ക്കു കൂടി കൊവിഡ് 19 സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു.ഇന്നലത്തേതിനേക്കാൾ നേരീയ വർധന പ്രതിദിന രോഗികളുടെ എണ്ണത്തിലുണ്ടെങ്കിലും ആശങ്കപ്പെടേണ്ടതില്ല. രാജ്യത്ത് ഇതിനോടകം 2,97,00,313 പേര്‍ക്കാണ് കൊവിഡ് സ്ഥിരീകരിച്ചിട്ടുള്ളത്.
കഴിഞ്ഞ 24 മണിക്കൂറിനിടെ 2,330 പേര്‍ക്കു കൂടി ജീവന്‍ നഷ്ടമായതോടെ ആകെ മരണസംഖ്യ 3,81,903 ആയി. 1,03,570 പേര് കൂടി രോഗമുക്തി നേടിയതോടെ ആകെ കൊവിഡ് മുക്തരായവരുടെ എണ്ണം 2,84,91,670ആയി.വിവിധ സംസ്ഥാനങ്ങളിലായി 8,26,740 പേരാണ് നിലവിൽ ചികിത്സയിലുള്ളത്. കഴിഞ്ഞ 71 ദിവസത്തിനിടയിലെ ഏറ്റവും താഴ്ന്ന നിരക്കാണിത്.
അതേസമയം 26,55,19,251 പേര്‍ക്ക് ഇതുവരെ കൊവിഡ് പ്രതിരോധ വാക്‌സിന്‍ നല്‍കിക്കഴിഞ്ഞു. ജൂൺ 16 വരെ 38,52,38,220 സാമ്പിളുകൾ പരിശോധനയ്ക്ക് വിധേയമാക്കിയതായി ഐസിഎംആർ അറിയിച്ചു 19,31,249 സാമ്പിളുകളാണ് ഇന്നലെ മാത്രം പരിശോധിച്ചത്.
