രാജ്യത്ത് 24 മണിക്കൂറിനിടെ 62,224 പേർക്ക് കൊവിഡ്; 2542 മരണം

രാജ്യത്തിന് ആശ്വാസമായി കൊവിഡ് കണക്കുകൾ താഴേക്ക്. 24 മണിക്കൂറിനിടെ 62,224 പേര്‍ക്കു കൂടി കൊവിഡ് 19 സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു.

രാജ്യത്ത് ഇതിനോടകം 2,96,33,105 പേര്‍ക്കാണ് കൊവിഡ് സ്ഥിരീകരിച്ചിട്ടുള്ളത്.കഴിഞ്ഞ 24 മണിക്കൂറിനിടെ 2542 പേര്‍ക്കു കൂടി ജീവന്‍ നഷ്ടമായതോടെ ആകെ മരണസംഖ്യ 3,79,573 ആയി. 1,07,628 പേര്‍ കൂടി രോഗമുക്തി നേടിയതോടെ ആകെ കൊവിഡ് മുക്തരായവരുടെ എണ്ണം 2,83,88,100 ആയി.

95.8 ശതമാനമാണ് രോ​ഗമുക്തി നിരക്ക്. വിവിധ സംസ്ഥാനങ്ങളിലായി 8,65,432 പേരാണ് നിലവിൽ ചികിത്സയിലുള്ളത്. അതേസമയം 26,19,72,014 പേര്‍ക്ക് ഇതുവരെ കൊവിഡ് പ്രതിരോധ വാക്‌സിന്‍ നല്‍കിക്കഴിഞ്ഞു.