നാലര വയസ്സുകാരിയുടെ കൊലപാതകക്കേസിലെ പ്രതി 30 വർഷത്തിന് ശേഷം പിടിയിൽ

നാലര വയസ്സുകാരിയുടെ കൊലപാതകക്കേസിലെ പ്രതി 30 വർഷങ്ങൾക്ക് ശേഷം പൊലീസ് പിടിയിൽ. കോഴിക്കോട് ലോഡ്ജിൽ നാലര വയസ്സുള്ള പെൺകുട്ടിയെ പീഡിപ്പിച്ച് കൊലപ്പെടുത്തിയ കേസിലെ പ്രതിയാണ് പിടിയിലായത്. കേസിലെ രണ്ടാം പ്രതി മംഗളൂരു പഞ്ചമുഗിൽ കോംപൗണ്ടിൽ ബീന എന്ന ഹസീനയെയാണ് (52) കളമശ്ശേരിയിൽ നിന്ന് അറസ്റ്റ് ചെയ്തത്.

കേസിലെ ഒന്നാംപ്രതി ഇപ്പോഴും ഒളിവിലാണ്. പെൺകുട്ടിയെ ലോഡ്ജിൽ ബീനയും കാമുകനും ചേർന്ന് ശാരീരികമായി പീഡിപ്പിക്കുകയും ചികിത്സയിൽ കഴിയവേ കുഞ്ഞ് മരിക്കുകയായിരുന്നുവെന്നാണ് കേസ്. മെഡിക്കൽ കോളജ്‌ പൊലീസ് അന്വേഷണത്തിൽ കുഞ്ഞിന്റെ മരണം കൊലപാതകം ആണെന്ന് വ്യക്തമായി. തുടർന്ന് പ്രതികളെ അറസ്റ്റ് ചെയ്തിരുന്നു.

എന്നാൽ ജാമ്യത്തിൽ ഇറങ്ങിയ ശേഷം ഇരുവരും ഒളിവിൽ പോവുകയായിരുന്നു.ബീന മൂന്നാർ 20 മുറിയിൽ താമസമുണ്ടെന്നും ഒരു ബന്ധുവിന്റെ മരണവുമായി ബന്ധപ്പെട്ടു കളമശ്ശേരിയിൽ എത്തുമെന്നു വിവരത്തിന്റെ അടിസ്ഥാനത്തിൽ എത്തിയ പൊലീസ് ബീനയെ അറസ്റ്റ് ചെയ്യുകയായിരുന്നു.